Morreale Paris-ը ներկայացրել է աշխարհի ամենաթանկարժք սրվակով օծանելիքը

Ֆրանսիական Morreale Paris ապրանքանիշը ներկայացրել է Le Monde sur Mesure օծանելիքը: Օծանելիքն աչքի է ընկնում ոչ թե յուրօրինակ բույրով, այլ թանկարժեք սրվակով, գրում է Forbes-ը:

Օծանելիքը ոսկե և արծաթե սրվակներով է: Ոսկե սրվակը պատրաստված է սպիտակ և դեղին ոսկուց: Յուրաքանչյուր այդպիս սրվակի համար 2-ական կգ դեղին և սպիտակ ոսկի, ինչպես նաև 18 կառատ կշռող ադամանդներ են գործածվել: Ի դեպ, ադամանդները բարձրակարգ են և ձեռքով փայլեցված:

Ոսկու և ադամանդի համադրությամբ սրվակով օծանելիքն ամենաթանկն է աշխարհում. այն արժե 1.5 մլն դոլար:

Սրվակը սահմանափակ քանակությամբ է և կվաճառվի միայն VIP գնորդներին: