«Շանթը» «աստղային» հիվանդության զոհ

Հոկտեմբերի 30-ին հենվելով Ucom-ի տրամադրած տեղեկության վրա գրել էինք, որ  նոյեմբերի 1-ից «Շանթ» հեռուստաընկերության պահանջով նոյեմբերի մեկից դադարեցվելու է հեռուստաալիքի հեռարձակումը:

Այս հրապարակումից հետո խմբագրությունը անհիմն մեղադրանքներ ստացավ, թե կատարում ենք Ucom_ի պատվերը, եւ որ այդ Ucom-ն է դադարեցնում «Շանթ»-ի հեռարձակումը:

Վիրավորանքներին եւ անպարկեշտ արտահայտություններին անդրադառնալն ավելորդ ենք համարում:

Ավելորդ մեկնաբանմություններից խուսափելու համար մենք կրկին դիմեցինք Ucom, որտեղից մեզ տրամադրեցին «Շանթից» ստացված պաշտոնական նամակը:

«Ի պատասխան Ձեր հարցմանը, կից ուղարկում ենք այն նամակը, որի համաձայն 2018թ. նոյեմբերի 1-ից իրավատերը, առանց գրավոր կերպով պատճառաբանելու, խնդրում է «Ucom» ընկերության հեռուստատեսային ցանցում դադարեցնել «Շանթ» հեռուստաալիքի վերահեռարձակումը, որն, ի դեպ, բաց եթերի տարբերակով է հասանելի Հայաստանի հեռուստադիտողներին:

Հարգանքով՝ Դիանա Մնացականյան

PR և հաղորդակցության ծրագրերի ղեկավար»

Աննա Բաղդասարյան

Top-News.am