Դատարանը հրաժարվեց լրաքննության վերադարձնել Ջիգարխանյանի նախկին կնոջ գործը

Մոսկվայի դատարանը հրաժարվել է լրաքննության վերադարձնել ԽՍՀՄ ժողովրդական արտիստ Արմեն Ջիգարխանյանի նախկին կնոջ՝ Վիտալինա Ցիմբալյուկ-Ռոմանովսկայայի գործը, որը մեղադրվում է անձնական կյանքի գաղտնիությունը խախտելու մեջ: Այդ մասին լրագրողներին հայտնել է արտիստի ներկայացուցիչ Եվգենի Պարֆյոնովը:

«Դատարանը հրաժարվեց գործը հանձնել լրացուցիչ քննության: Դատաքննությունը գործնականում ավարտված է, հաջորդ նիստում կներկայացվեն փաստաթղթերը՝ կողմերի ցանկությամբ, դա պաշտոնական ընթացակարգ է: Հուսով եմ, որ մենք նոյեմբերի 8-ին ձեռնամուխ կլինենք դատավեճերին եւ նույն օրն էլ կավարտենք դրանք, ինչից հետո կլինի դատավճիռը»,-ասել է փաստաբանը:

Նա հույս է հայտնել, որ դատավճիռը կլինի «անաչառ, պատճառաբանված ու հիմնավորված»: Փաստաբանը հավելել է, որ Ջիգարխանյանը դատավեճերին չի ներկայանա առողջական վիճակի պատճառով: Մեղադրյալն ինքը լրագրողներին հայտնել է, որ հոկտեմբերի 29-ին ցուցմունքներ է տվել դատարանին: Նա հրաժարվել է բացահայտել դրանց բովանդակությունը, պատճառաբանելով, որ գործը լսվում է դռնփակ ռեժիմով: Նա միայն պարզաբանել է, որ պնդում է իր անմեղությունը:

Ցիմբալյուկ-Ռոմանովսկայային մեղադրանք է վերագրվում ՌԴ Քրեական օրենսգրքի 137-րդ հոդվածի առաջին մասով՝ «Անձնական կյանքի անձեռնմխելիության խախտում», ըստ որի՝ առավելագույն պատիժը կազմում է երկու տարվա ազատազրկում: Նա իրեն մեղավոր չի համարում: Հետաքննության վարկածով՝ Ցիմբալյուկ-Ռոմանովսկայան թաքնված տեսախցիկ է տեղադրել ամուսնու աշխատասենյակում, իսկ այնուհետեւ տեսագրությունը փոխանցել ժողովրդականություն վայելող թոք-շոուներից մեկին:

Մեղադրող կողմի վկա Էվելինա Մազուրի խոսքով՝ տեսախցիկն աշխատել է կես տարի: Մեղադրյալը տեսախցիկի տեղակայումը բացատրել է ամուսնու գործերին հետեւելու անհրաժեշտությամբ, հաղորդել է ՌԻԱ Նովոստին:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)