Գրիգորի Լեպսն առաջին անգամ ցուցադրել է տասնյակ միլիոնավոր դոլարներ արժողությամբ իկոնաների հավաքածուն

Գրիգորի Լեպսն առաջին անգամ ցուցադրել է իկոնաների իր հավաքածուն, որը տասնյակ միլիոնավոր դոլարներ արժե, հայտնում է «КП»-ն: Մոսկվայի թանգարաններից մեկում ներկայացված են տարբեր վարպետների 200 հիանալի աշխատանք, իկոնաներըերգիչը ձեռք է բերել տարբեր ժամանակահատվածներում՝ 20 տարվա ընթացքում եւ դրանք կարող էին տեսնել միայն նրա ընկերները: Այժմ ահա, արտիստը որոշել է XVI դարի եւ XX դարի սկզբների իր գլուխգործոցների հավաքածուն ներկայացնել հասարակության ավելի լայն շրջանակների համար:

«Ես գոհ եմ այն ամենից, թե ինչպես ստացվեց: Սա իմ առաջին ցուցահանդեսն է, հույս ունեմ, որ վերջչնը չէ: Ներկայացված են ոչ բոլոր աշխատանքները: Իսկ թե ինչպիսի տեսք ունի այն, ինձ դուրէ գալիս. Համեստ, կոկիկ, ճաշակով: Կան աշխատանքներ, որոնք մինչեւ մեկ միլիոն դոլար արժեն: Մեծամասամբ ես դրանք ձեռք եմ բերել աճուրդներից կամ հնաոճ իրեր հավաքող մարդկանցից:

Ահա «Դեիսուս» իկոնան, նկարված անհայտ հեղինակի կողմից՝ XVIII դարի առաջին քառորդում, ես այն փոխանակել եմ Audi A8 ավտոմեքենայի հետ: Ալեքսեյ Կվաշինի «Կուրսունսկայա Աստվածամոր» իկոնայի համար ամեն օր գնում էի Հին Արբատ. Դա վաճառվում էր հնաոճ իրերի խանութում:

Ես փորձում եմ պահպանել ժառանգությունը, սակայն վստահ չեմ, որ ինձ մոտ կստացվի: Մի օր ես չեմ լինի եւ թե ինչ կլինի հավաքածուի հետ, ես պատկերացում անգամ չունեմ: Երեխաներս դեռ փոքր են, բացի առաջին ամուսնությունից ծնված իր դուստրից, ով արվեստից վատ չի հասկանում: Լիոնւմ է, երբ կյանքից հեռանում է հավաքածուի տերը սկսվում է բաժանումը: Դա իհարկե, այնքան էլ լավ չէ: Նախքան այս կյանքից հեռանալս ես կփորձեմ զբաղվել իմ հավաքածուով: Հնարավոր է ես այն հանձնեմ ինչ-որ թանգարանի: Կամ, հնարավոր է, որ հայտնվի բաժանման գինը, դա էլ չեմ բացառում: Սակայն, ես հույս ունեմ, որ դա տեղի չի ունենա: Ես հայտնի մարդ եմ եւ դեռ վատ չեմ վաստակում», - նշել է Լեպսը: