Ելենա Ստեպանենկոն «երկրորդ Ջիգարխանյան» է խոստացել

Ռուսաստանաբնակ հայտնի հումորիստ Եվգենի Պետրոսյանի փաստաբան Սերգեյ Ժորինը mk.ru-ին պատմել է, որ հումորիստի կինը՝ երգիծաբան Ելենա Ստեպանենկոն, որի հետ նա գտնվում է ամուսնալուծության գործընթացի մեջ, նրան սկանդալով է սպառնացել, եթե հումորիստը չկատարի նրա բոլոր պահանջները։

«Ստեպանենկոն նույնիսկ սպառնացել է Պետրոսյանին սկանդալով, եթե իր պահանջները չբավարարվեն, խոստացել է «երկրորդ Ջիգարխանյան» (նկատի ունի Արմեն Ջիգարխանյանի և նրա կին Վիտալինա Ցիմբալյուկ-Ռոմանովսկայայի աղմկոտ բաժանությունը)»,- ասել է Ժորինը։

Նրա խոսքով՝ Եվգենի Պետրոսյանն ու Ելենա Ստեպանենկոն արդեն վաղուց իրար հետ չէին ապրում։ Ըստ նրա՝ Ստեպանենկոյի «անձնական կյանքում վաղուց ամեն ինչ լավ է», և «այսօրվա կոնֆլիկտի պատճառն ամենևին էլ Պետրոսյանի դավաճանությունները չեն»։

«Պետրոսյանը ցանկանում էր ունեցվածքն արդար կիսել՝ 50 տոկոսը տալ, սակայն Ստեպանենկոն ցանկացավ ավելին»,- ասել է փաստաբանը։

Նա նաև ընդգծել է, որ բացի մեքենաներից ու բնակարաններից՝ Պետրոսյանն ունի նաև հին իրերի մեծ հավաքածու, որոնց թվում շատ են ծաղրածուների ֆիգուրները, ու եթե այդ հավաքածուն Պետրոսյանի համար «հոգևոր արժեք է» ներկայացնում, ապա Ստեպանենկոյի համար դա նյութական արժեք է։

Հիշեցնենք, որ ավելի վաղ հումորիստի կինը դիմել էր դատարան՝ Պետրոսյանի հետ համատեղ ձեռքբերված ունեցվածքը կիսելու հայցով:

Հայազգի հումորիստի փաստաբանը պատմել է, որ իրենք հակընդդեմ հայց են ներկայացրել Սեպանենկոյի դեմ՝ պահանջելով հավասար կիսել ունեցվածքը:

Մինչդեռ kp.ru-ն մեջբերել է ՌԴ Պետդումայի պատգամավոր Վլադիմիր Ժիրինովսկու խոսքը, որում քաղաքական գործիչը նշել է, որ Պետրոսյանը ցանկանում է «մարդավարի», խաղաղ ամուսնալուծվել, իսկ Ստեպանենկոն ցանկանում է իրենց բաժանությունը սկանդալի վերածել:

Այս թեմայով Եվգենի Պետրոսյանն իր 75-ամյակի օրն առաջին անգամ հրապարակել է իր ու Տատյանա Բրուխունովայի որդու լուսանկարը Եվգենի Պետրոսյանը ստիպված է եղել շտապ ընդհատել ելույթը Սեր ու երջանկություն. Բրուխունովան ու Պետրոսյանն՝ առաջին անգամ ռոմանտիկ լուսանկարում Եվգենի Պետրոսյանը երիտասարդ կնոջը վիրավորելու համար դատի է տվել գործընկերոջը՝ հումորիստ Վիկտոր Կոկլյուշկինին Եվգենի Պետրոսյանն ընտանեկան գաղտնիք է բացահայտել