Գողտրիկ բնություն, որակյալ սնունդ և բարձրակարգ սպասարկում․ սա է «Մոնտե Քրիստո ռեստորանի» հաջողության գաղտնիքը

Հայկական ազգային կերակրատեսակներից մինչև վրացական ու եվրոպական ախորժելի ուտեստներ, գողտրիկ բնություն, կենդանի կատարումներ՝ ամեն երեկո, թարմ օդ և տարբերվող դիզայն. սա «Մոնտե Քրիստո» ռեստորանն է: Այստեղ չեն գալիս պարզապես սնվելու, այստեղ գալիս են իրապես հանգստանալու, կտրվելու քաղաքի առօրյայից, լիցքաթափվելու աղմուկից:

Անկախացումից հետո Մոնտե Քրիստո ռեստորանային համալիրը առաջիններից է, որ բացվել է Երևանում: Այս տարիների ընթացքում ռեստորանը ձեռք է բերել անգերազանցելի փորձ ռեստորանային բիզնեսի ոլորտում, հմտացել է, և այսօր շարունակում է ապահովել բարձր որակ:

«Մոնտե Քրիստո»-ի առանձնահատկություններից է գողտրիկ բնությունը․ «Մենք ամեն ինչ արել ենք, որ ռեստորանային համալիրի տարածքում մեր հյուրերը կարողանան ազատ զբոսնել ու վայելել Հրազդանի կիրճի չքնաղ բնությունը: Մեր ռեստորանը կառուցելիս մեզ համար առաջնային է եղել կանաչ գոտին պահպանելը։ Այն ինչ ստեղծել ենք, ստեղծել ենք բնությանը ներդաշնակ՝ առանց վնասելու»,-ասում է ռեստորանի տնօրեն Ալլա Մուսայելյանը:

«Մոնտե Քրիստո» ռեստորանի բազմաթիվ առանձնացված սրահները հարմար են ինչպես մեծ կորպորատիվ միջոցառումների, ընկերական, ընտանեկան հավաքույթների, այնպես էլ մտերմիկ հանդիպումների համար: Ամռան ամիսներին կարող եք կազմակերպել ձեր միջոցառումները բացօթյա սրահներում, իսկ փակ սրահներում ձեր միջոցառումները կարող եք տոնել անկախ եղանակից:

Ռեստորանային համալիրի տնօրեն Ալլա Մուսայելյանը վստահեցնում է` «Մոնտե Քրիստո»-ում թարմ սննդի մատուցումը սկզբունքային է:

«Մեր հաճախորդները գիտեն` մեզ մոտ մատուցվում են միայն թարմ մթերքներից պատրաստված ուտեստներ: Եթե հավկիթ, ուրեմն տնական, եթե միս, ուրեմն տեղական և անմիջապես մթերողից: Մեր ջրավազանում մշտապես թարմ ձկներ են, և ցանկացած պահի հաճախորդները կարող են հենց տեղում իրենց նախընտրած ձուկը պատվիրել: Մեզ մոտ միայն օրիգինալ խմիչքներն են: Ունենք խաղողի գինի, որը հատուկ բերվում է Արցախից և միայն «Մոնտե Քրիստո»-ում կարելի է վայելել»,- ընդգծում է Ալլա Մուսայելյանը:

Ռեստորանի հաջողության գաղտնիքներից մեկն էլ բարձրակարգ սպասարկումն է: Աշխատակիցները լավ գիտեն, որ «Մոնտե Քրիստո»-ի ցանկացած հաճախորդ պատվավոր հյուր է, ում պետք է սպասարկել ամենաբարձր մակարդակով․ «Մեր հյուրերի ցանկում հաճախ կարելի է տեսնել աշխարհահռչակ այցելուների, ինչպիսիք են օրինակ՝ մեծն շանսոնյե Շառլ Ազնավուրը, աշխարհահռչակ կինոռեժիսոր, դերասան և սցենարիստ Սերժ Ավետիքյանը և այլոք: Սա թերևս մեր աշխատանքի լավագույն գնահատակններից մեկն է»,-նշում է ռեստորանի տնօրենը:

Մոնտե Քրիստո ռեստորանի համար խիստ կարևոր է ազգային ուտեստների պահպանումն ու ճիշտ մատուցումը։ Ալլա Մուսայելյանը ցավով նկատում է, որ այսօր մարդիկ ինչ-որ չափով հեռացել են ազգային խոհանոցից, ինչի ուղղությամբ պետք է ավելի շատ աշխատել, որ չմարի հետաքրքրությունը մեր ազգային խոհանոցի նկատմամբ, քանի որ այն շատ համեղ է ու գլխավորը՝ առողջ:

Ի դեպ, «Մոնտե Քրիստո» ռեստորանը այս սեզոնի համար բավական հետաքրքիր նորություներ ունի. երեխաների համար ռեստորանի բակում խաղահրապարակ է կառուցվել, գեղեցիկ լուսավորում է ստացել ռեստորանի բացօթյա պարահրապարակ տանող կամուրջը, որը մեր հյուրերի լուսանկարվելու համար ամենասիրելի վայրերից մեկն է դարձել: Երկրորդ հարկում բացօթյա սրահ ենք ավելացրել, որը կարող է հյուրընկալել մինչև հարյուր անձ: Այս տարի ռեստորանը գործարկել է նաև բացօթյա սրճարանը, ուր ավելի թեթև ու մտերմիկ միջավայր է: Ռեստորանի տարածքում տեղադրվել են նոր նստարաններ, ուր մարդիկ կարող են պարզապես նստել ու հանգստանալ բնության գրկում: Իսկ մյուս հետաքրքիր նորություններին սպասեք առաջիկայում:

https://www.facebook.com/RestaurantMonteCristo/videos/1176427689165687/