Ամուսնանալուց առաջ անպայման պատասխանեք այս տասը հարցին

Տասը հարց երջանիկ ամուսնությունից առաջ կամ եթե ցանկանում եք, որ ամուսնությունից հետո չփոշմանեք, թաքուն չարտասվեք, ապա մի պահ դադար վերցրեք եւ միասին պատասխանեք հետեւյալ հարցերին.

1. Համապատասխանո՞ւմ ենք մենք միմյանց

Ուսումնասիրությունները ցույց են տվել, որ բազմաթիվ երջանիկ ամուսնական զույգեր հարաբերությունները սկսել են ընկերությունից, իսկ ինտիմը եկել է հետո, շատ հետո: Եւ այստեղ ամենակարեւորն է, թե զույգերը միմյանց համապատասխանո՞ւմ են որպես ընկերներ: 

2. Ամուր է արդյոք մեր ընկերությունը

Փորձագետներն ասում են, որ ընկերությունն ամուսնական զույգին օգնում է հաղթահարել կյանքի ամենաբարդ փուլերը: Ավելին, ընկերությունն օգնում է ավելի հեշտությամբ հաղթահարել հարազատի, ծնողի կորուստը, անգամ անակնկալ ամուսնական անհավատարմությունը: Ուսումնասիրությունները ցույց են տվել, որ ամուսնալուծվածների մոտ առաջին հերթին բացակայել է հենց ընկերությունը:

3. Արդյոք մենք նույնն ենք ուզում

Ամուր ամուսնական զույգերը, որպես կանոն, ունեն նույն կյանքի արժեքները, հույսերը, երազանքները եւ սպասելիքներն, այդ թվում եւ միմյանցից:  

4. Իրատեսական են արդյոք մեր սպասումները

Երջանիկ զույգերը միմյանցից բացառապես իրատեսական սպասումներ ունեն: Նրանք գիտակցում են, որ ամուսնությունը հեշտ գործ չէ եւ դժվարության պահին պետք է ավելի մեծ ջանքեր գործադրեն կամ դիմեն ընտանիքի ամենամոտ բարեկամների օգնությանը:

5. Արդյոք միմյանց մեջ տեսնում ենք միայն լավը

Հոգեբանները կարծում են, որ հարաբերություններում անչափ կարեւոր են կարեկցանքն ու միմյանց հասկանալը: Դրանք միանգամից չեն առաջանում, այլ աստիճանաբար, բայց զույգերին թույլ են տալիս կենտրոնանալ զուգընկերոջ լավ գծերի վրա եւ ավելի մեղմ վերաբերվել թերություններին եւ բացթողումներին: 

6. Անո՞ւմ ենք ամեն ինչ, որ հարաբերությունները չմեռնեն

Մարդիկ, որոնց մոտ հրաշալի հարաբերություններ են առաջացել զուգընկերոջ հետ, որպես կանոն ամեն ինչ անում են, որ դրանք ձանձրալի չդառնան, չսառեն եւ չմեռնեն: Այդ ճանապարհին նրանք ամեն ինչ անում են զուգընկերոջը պարբերաբար անակնկալներ մատուցելու համար եւ անել այն, ինչը ուրախացնում է կնոջը կամ ամուսնուն:

7. Կարողանո՞ւմ ենք անկաշկանդ քննարկել հուզող խնդիրները 

Ամուր հարաբերություններ հաստատելու համար անհրաժեշտ է նաեւ ժամանակ գտնել զրույցի համար, պատմել, թե ինչպես է անցել օրը կամ առավել կարեւոր հարցեր: Անկեղծ եւ շահագրգիռ քննարկումները օգնում են ամրացնել ամուսնական միությունը: Քննարկեք նույնիսկ ամենաբարդ հարցերը, քննարկեք անգամ ձեր նախկին ընկեր-ընկերուհիներին վերաբերող ինչ որ հարցեր:  

8. Պատրա՞ստ եք միասին հաղթահարել դժվարին ժամանակները

Կայուն հարաբերությունների համար անհրաժեշտ է նաեւ հասկանալ, թե զույգերը կկարողանան միասին հաղթահարել ֆինանսական եւ այլ կարգի դժվարությունները, փոփոխությունները: Նրանք, ովքեր միասին դժվարություն են հաղթահարում, ավելի են մերձենում եւ ամրացնում հարաբերությունները: 

9. Ուս-ուսի տված կարողանո՞ւմ ենք հաղթահարել խոչընդոտները 

Հոգեբանները պարզել են, որ ամուսնական զույգերի հարաբերությունների վրա հսկայական ազդեցություն է ունենում այն, թե ինչպես են նրանք հաղթահարում կյանքի դժվարությունները՝ հարազատի մահը, դավաճանությունը, ֆինանսական խնդիրները, երեխաների ծնունդը եւ նրանց դաստիարակությունը, եթե կան տարբեր մոտեցումներ: 

10. Ունենք ընկերներ, որ դժվարին պահին մեզ մենակ չեն թողնի

Իհարկե, շատ ենք ցանկանում, որ մեր ընտանիքի անդամները, ընկերները, հարազատները սիրեն եւ հարգեն այն մարդուն, որին ընտրում ենք որպես զուգընկեր: Պարզվում է, որ հարազատների, հատկապես ծնողների վերաբերմունքը նույնպես հսկայական ազդեցություն ունի ամուսնական կյանքի վրա: Հատկապես սա կարեւոր է կանանց համար: 

Պատասխանեք այս հարցերին եւ որոշում կայացնելիս երկար մտածեք: Իսկ եթե արդեն ամուսնացած եք, ապա ոչինչ, նորից պատասխանեք եւ եթե հասկանում եք, որ չեք ընտրել նրան ում պետք էր, նորից դադար վերցրեք եւ մտածեք, թե պետք է արդյոք ամբողջ կյանքը մղձավանջ դարձնել, ինչ է թե շրջապատը չի ասի, թե դուք ամուսնացած բաժանված եք:

Top-News.am