«Ինչո՞ւ են Հայաստանի տաքսիներն ավելի լավը». Նյու Յորքում բնակվող բլոգերը հերթական տեսանյութն է հրապարակել Հայաստանի մասին

Նյու Յորքում բնակվող բլոգեր Nas_Daily-ը, որը ճամփորդում է տարբեր երկրներով ու ամեն այցելության վերաբերյալ մեկ րոպեանոց ուշագրավ տեսաանդրադարձներ հրապարակում իր ֆեյսբուքյան էջում, հերթական տեսանյութն է հրապարակել Հայաստանի մասին:

Այս անգամ երիտասարդը տեսանյութ է արել Հայաստանի տաքսիների մասին՝ զարմանքով պատմելով, որ դրանց 90%-ն աշխատում է ոչ թե բենզինով կամ դիզելով, այլ գազով:

«Ինչո՞ւ են Հայաստանի տաքսիներն ավելի լավը» վերնագրով կարճ տեսանյութում Յասինին շատ է ուրախացնում այդ փաստը, որ վարորդները նախապատվություն են տալիս գազին, քանի որ այն, ի տարբերություն հեղուկ վառելիքի, ավելի էժան է ու ավելի քիչ քանակությամբ վնասակար նյութեր է արտանետում շրջակա միջավայր:

«Տաքսին, որ տեսնում եք իմ հետևում, աշխարհում ամենահետաքրքիր տաքսիներից է: Չնայած, որ այն հին է ու մաշված, այն շատ ավելի քիչ վնաս է հասցնում շրջակա միջավայրին, քան դուք կպատկերացնեք:

Վարորդների 90%-ը դիզելից անցում է արել գազին: Արդյունքում վարորդը խնայում է գումար, հաճախորդը խնայում է գումար, շրջակա միջավայրին ավելի քիչ վնաս է հասցվում: Պատկերացրեք, եթե ավելի շատ երկրներ տաքսիների նման համակարգ ունենային»,-նշել է բլոգերը:

Այս թեմայով Երկիր, որը պետք է տեսնես... Հայտնի բլոգեր Nas Daily-ի տեսանյութը՝ Հայաստանի մասին Վայր, որտեղ գրավիտացիան չի գործում. Nas Daily-ն հրապարակել է Հայաստանի մասին հերթական տեսանյութը «Պատերազմը չի ավարտվում, անգամ, երբ խաղաղությունն է գալիս». Nas Daily-ի նոր տեսանյութը՝ Հայաստանի մասին Հայաստանից Nas Daily-ի հերթական տեսանյութը նվիրված է հայտնի հայ անվաչմշկորդին. (Տեսանյութ) «Շախմատի երկիր Հայաստան». Նյու Յորքցի բլոգերը պատմել է դպրոցներում շախմատ սովորեցնելու պրակտիկայի մասին (տեսանյութեր)