Նավալնիի հիմնադրամը պատմել է Մեդվեդեւի գաղտնի «կայսրության մասին»
Ալեքսեյ Նավալնիի՝ Կոռուպցիայի դեմ պայքարի հիմնադրամը հրապարակել է հետաքննություն եւ ֆիլմ, որոնք պատմում եմ Դմիտրի Մեդվեդեւի ունեցվածքի մասին։ Ինչպես հաստատում է հետաքննությունը, Ռուաստանի վարչապետի հետ կապ ունեցող հիմնադրամներին է փոխանցվել առնվազն 70 մլրդ. ռուբլի եւ կարողություն։
Ինչպես նշվում է, Մեդվեդեւի անվան հետ են կապված ընդհանուր առմամբ մի քանի թանկ անշարժ գույքի օբյեկտներ։ Դրանց թվում են «Միլովկա» կալվածքը Պլեսեում, Զնամենսկոե ավանի կալվածքը Ռուբլյովկայում՝ մոտ 5 մլրդ ռուբլի արժողությամբ, նստավայր Կուրսկի շրջանում, խաղողի այգիներ Անապայում, առանձնատուն «Կռասնայա պոլյանայում», հողատարածք Մասլովո գյուղի մոտ, ինչպես նաեւ երկու հողատարածքը ծովի մոտ՝ Կրասնոդարի երկրամասում, առանձնատուն Պետերբուրգում։ Բացի այդ հիմնադրամը հաղորդել է, որ կրկին Մեդվեդեւի հետ կապված օֆշորը ունի երկու զբոսանավ։
Հրապարակման մեջ փաստում են, որ թվարկված ունեցվածքը ձեռք է բերվել «օլիգարխների տված կաշառքով եւ պետբանկերի վարկերով»։ Փաստացի բոլոր թվարկված ակտիվները պատկանում են բարեգործական հիմնադրամների, եւ, ըստ էության, «չեն պատկանում ոչ ոքի», – ասվում է հետաքննության փաստաթղթում։ Այս օբյեկտների կառավարիչները Մեդվեդեւի ընկերներն ու համակուրսեցիներն են, ինչպես նաեւ նրա «վստահված անձինք»։
Հիմնադրամի հետաքննության մեջ նշվում է, որը «Միլովկայի» հողատարածքը պատկանում է «Գրադիսլավա» եւ «Դառ» հիմնադրամներին։ «Գրադիսլավայի» հիմնադիրն է համարվում Լեոնիդ Ռուբցովը, ով նաեւ ղեկավարում է «Գրին Յարդ» ֆիման։ Իր հերթին «Գրին Յարդը» պատկանում է «Սոցգոսպրոյեկտ» հիմնադրամին, որը կառավարում են Մեդվեդեւի համակուրսեցիները՝ Իլյա Ելիսեեւը եւ Ալեքսեյ Չետվերտկովը։
«Սոցգոսպրոյեկտին» է պատկանում նաեւ Ռուբլյովսկոե մայրուղու շրջանում, Զնամենսկոե ավանի «շքեղ կալվածքը»։ Հակակոռուպցիոն հիմնադրամը այն գնահատել է ավելի քան հինգ միլիարդ ռուբլի։ Համաձայն պետական փաստաթղթերի՝ այս անշարժ գույքը հիմնադրամին նվիրաբերել է միլիարդեր Ալիշեր Ուսմանովը։ 
Մեդվեդեւի անվան հետ է կապված նաեւ Կուրսկի շրջանի Մանսուրովո գյուղի կալվածքը։ Կալվածքի տարածքում տեղակայված են սպորտային կորտ, ուղղաթիռի հարթակ եւ մեծ առանձնատուն։ Դրա կողքին գտնվում է «Մանսուրովո» ագրոհամալիրը։ Դրանք կառավարում են Իլյա Ելիսեեւը եւ Մեդվեդեւի զարմիկ Անդրեյը։
«Սոցգորպրոյեկտի» դուստր ձեռնարկությունների թվում են «Սկալիստի բերեգ» ՓԲԸ–ն, որը Կրասնոդարի երկրամասում մեծ հողատարածք ունի։ Այն գտնվում է Անապայի Վարվարովկա ավանում։ Այստեղ 100 հեկտար զբաղեցնող հողատարածքի վրա ամբողջովին խաղողի այգիներ են տնկված։
Հետաքննության մի առանձին գլուխ նվիրված է Վլադիմիր Դյաչենկոյին, «Տեխինպրո» ֆիրմայի ղեկավարին, ում հակակոռուպցիոն հիմնադրամը անվանում է «Մեդվեդեւի վստահված անձ»։ Այս ազգանունը հիշատակվում էր Մեդվեդեւի գաղտնալսված նամակագրության մեջ։ 2014–ի օգոստոսին այն հրապարակել էր «Շալտայ–Բոլտայ» կայքը։ Այս նամակագրությունից երեւում էր, որ Մեդվեդեւը ունի հատուկ փոստ անձնական գնումների համար, ընդ որում բոլոր առաքումները ձեւակերպվում էին Դյաչենկոյի անունով` «Տեխինպրո»–ի հասցեով։
Հիմնադրամների շարքում, որոնք ինչպես նշում է Հակակոռուպցիոն հիմնադրամը, օգտագործվում են անշարժ գույքը կոծկելու համար, հիշատակվում է նաեւ Ձմեռային օլիմպիական խաղերի աջակցության հիմնադրամը։
Ինչպես նշվում է հետաքննության փաստաթղթերում, Մեդվեդեւի նախագահության տարիներին, նախագահի գործերի կառավարչությունը 18 միլիոն ռուբլիով Ռուբլյովսկոյե մայրուղու տարածքում գտնվող հողատարածք է վաճառել մի ֆիրմայի, որը ղեկավարում է Մեդվեդեւի համակուրսեցի Ալեքսեյ Դոլգուշեվսկին։ Ընդ որում, համաձայն կադաստրի գրության, դրա արժեքը կազմում է 601.5 միլիոն ռուբլի։ Մի քանի ամսվա ընթացքում այն վերաձեւակերպեցին որպես «Դառ» հիմնադրամի սեփականություն, որին էլ մինչ այժմ պատկանում է այդ հողատարածքը։
Մեդվեդեւի հետ իր վստահված անձանց միջոցով կապված կառույցները նույնպես արժեքավոր ակտիվներ են ստացել Կրասնոդարի երկրամասում,– ասվում է հետաքննության փաստաթղթում։ Խոսքը Ուտրիշում մերձափնյա հողատարածքի եւ Օլգինկայում՝ հանգստյան տան մասին է։ Երկուսն էլ գտնվում են Կրասնոդարի երկրամասում։ Մրցույթների արդյունքներում, որոնցում, ինչպես նշվում է հետաքննության փաստաթղթերում, մասնակցել են կեղծ ֆիրմաներ, մասնակիցները ստացել են Դմիտրի Սոլովյովի «Նաուտիլուսը», ով գլխավորում է Սվետլանա Մեդվեդեւայի սոցիալ–մշակութային նախաձեռնությունների հիմնադրամը եւ «Դառ» հիմնադրամը։
Պարզվել է, որ «Դառ» հիմնադրամի հետ է կապված նաեւ Կուշելյով–Բեզբոռոդկոյի առանձնատան ձեռք բերումը, որը վերանորոգվել եւ վերածվել է 29 բնակարաններով էլիտար տան։ Ի սկզբանե այն ձեռք է բերել «Ցերտում—Ինվեստ» կազմակերպությունը։ Դրա հիմնադիրն էլ հանդիսանում է Ելիսեեւի աշակերտ եւ «Դառ» հիմնադրամի նախկին տնօրեն Ֆիլիպ Պոլյանսկին։ Այնուհետեւ առանձնատունը հանձնվել է «Դառ»–ին։ Կալվածքի վերակառուցումից հետո Պոլյանսկին «Ցերտում Ինվեստի» 30% մասնաբաժինը հանձնել է կիպրոսյան Solarest օֆշորին, որը իր հերթին պատկանում է Waidelotte Nominees-ին։ Waidellote-ը տնօրինում է նաեւ մեկ այլ օֆշորի, Fucina Limited, որը 100%-ով պատկանում է Իլյա Ելիսեեւին։ Նրան են պատկանում նաեւ երկու զբոսանավ՝ ընդհանուր 16մլն. ԱՄՆ դոլար արժողությամբ։ Հետաքննության ձեռքին կան նկարներ, որտեղ այդ նավերը կառանված են Պլեսեում «Միլովկա» կալվածքի մերձակայքում։ Բացի այդ զբոսանավը 2016-ին գտնվել է Նեւայի վրա՝ «Ալիե Պառուսա» ավարտական միջոցառմանը։ Ֆեստիվալի լուսանկարները հրապարակվել են Մեդվեդեւի ինստագրամում։ Երկու զբոսանավերի անունն էլ «Ֆոտինիա» է, որ համարվում է Սվետլանայի (այդպես է վարչապետի կնոջ անունը) եկեղեցական տարբերակը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը