«Դոմ 2» հեռուստանախագծի մասնակիցը ինտիմ ծառայություններ է մատուցել Միխայիլ Գալուստյանին

«Դոմ 2» հեռուստանախագծի հերոսները մշտապես հայտնվում են տարբեր սկանդալների կենտրոնում, դրանով իսկ ապահովելով այդ շոուի վարկանիշը։

Հեռուստաշոուի նախկին մասնակից Յուլիա Իսաեւան չի թաքցնում, որ զբաղվում է էսկորտ ծառայություններ մատուցելով։ Աղջկա խոսքով՝ իր հաճախորդներն են եղել բազմաթիվ հանրահայտ տղամարդիկ։

«Դնին» հայտնում է, որ Յուլիայի ու անհայտ զրուցակցի What’sApp-ով նամակագրությունը հրապարակել է «Рынок шкур» Telegram –ալիքը։ Երկխոսության բովանդակությունից հասկանալի է դառնում, որ քննարկվում էր հանգստյան օրերին Յուլիայի ծառայությունը։ Յուլիան պետք է ուղեկցեր «Ֆորմուլա 1»-ի ինչ-որ ավտոարշավորդի։

Փորձելով ինքն իրեն գովազդել ու մեկ գիշերվա համար հազար եվրո պահանջել՝ Իսաեւան սկսում է թվարկել իր նախկին հաճախորդների, այդ թվում որոշ հայրենական աստղերի անունները: Հեռուստանախագծի նախկին մասնակիցը խոստովանել է, որ ժամանակ էր անցկացնում ռեփեր T- Killah-ի հետ, հանդիպել է Պավել Բուրեի հետ, իսկ մի անգամ էլ սիրային հաճույքների համար նրան ընտրել էր հայտնի շոումեն՝ Միխայիլ Գալուստյանը։

«Փողի դիմաց ամեն ինչ հնարավոր է»,- պատասխանել էր Իսաեւան, երբ նրան առարկել էին, որ երգիծաբանը վաղուց ամուսնացած է ու երջանիկ է իր կնոջ հետ։

Հավելենք, որ զրուցակիցներին հաջողվել է պայմանավորվել։ Յուլիային խնդրել են ներբեռնել արտասահմանյան անձնագրի ու արտասահմանյան վիզաների լուսանկարներ, որպեսզի նրա համար օդանավի տոմս ամրագրեն։ Բացի դրանից՝ աստղը պատվիրատուին մի քանի ինտիմ լուսանկար է ուղարկել։ Հիշեցնենք, որ Յուլիա Իսաեւան եկել էր շոուին 2013-ի ձմռանը, որպեսզի հարաբերություններ կառուցեր Ալեքսեյ Սամսոնովի հետ։ Աղջիկը նրա հետ հանդիպում էր մինչեւ նախագիծը։ Սակայն, երիտասարդների հարաբերությունները չէին ստացվել։ Դրանից հետո Իսաեւային սկսել էր սիրահետել Դանիլ Ռոմանովը։ Յուլիայի ենթադրությամբ՝ որպես վրեժխնդրություն Սամսոնովը նրա մերկ լուսանկարները հրապարակել էր համացանցում։ Այդ սկանդալային դեպքը աղջկան նշանավոր էր դարձրել ամբողջ համացանցում։