Թիմաթին բաժանվել է ընկերուհուց

Թիմաթին բաժանվել է Անաստասիա Ռեշետովայից՝ երեք տարի տեւած հարաբերություններից հետո: Այս մասին գրում է «Дни»՝ հղում անելով dom2life.ru-ին: Անաստասիան ծնվել է Մոսկվայում՝ 1996թ.-ին: 2014թ.-ին՝ 18 տարեկան հասակում մասնակցել է «Միսս Ռուսաստան-2014» մրցույթին՝ արժանանալով «Վիցե Միսս» տիտղոսը: 2016թ.-ին բացել է գեղեցկության կլինիկա, իսկ մեկ տարի անց հրատարակել է իր՝ «Այսօր ես, որպես ուրիշ մարդ» գիրքը: Անաստասիան նաեւ թողարկել է հագուստի իր սեփական ապրանքանիշը:

 Ռեփերն ու մոդելը, ըստ ամենայնի, սկսել են առանձին ապրել, քանի որ ինչպես երաժիշտն, այնպես էլ մոդելը` սոցցանցերում ջնջել են համատեղ լուսանկարներն ու բաժանորդագրվոծ չեն միմյանց միկրոբլոգերին: Հատկանշական է, որ այս ամենն արել են գրեթե միաժամանակ: Զույգն առանձնապես չէր հրապարակում իրենց հարաբերությունները եւ չէր նկատվել սկանդալներում: Անաստասիան հաճախ լուսանկարում էր նվերներն ու ծաղկեփնջերը, սակայն, սիրահարների համատեղ լուսանկարները, միեւնույն է քիչ էին:

 Թիմաթիի միկրոբլոգը լի էր ընկերների հետ, համերգային եւ տարբեր ճամփորդություններից լուսանկարներով: Այդ իսկ պատճառով, համատեղ լուսանկարների ջնջվելը սովորական վեճի նշան չեն: Մինչ այդ, Թիմաթին մոտավորապես նույն ժամանակահատվածի հարաբերություններ է ունեցել Ալյոնա Շիշկովայի հետ, ով ռեփերի համար դուստր է լույս աշխարհ բերել:

Նշենք, որ վերջերս երաժշտի մայրը պատմել է նրա դստեր եւ Ռեշետովայի փոխհարաբերություններում առկա բարդությունների մասին: Երկրպագուները ենթադրեցին, որ Ալիսան, հնարավոր է, չի ընդունում ռեփերի ընտրյալին: