VARDA-ի անկեղծ խոստովանությունը (Լուսանկարներ)

VARDA-ն իր Instagram-ի միկրոբլոգում մի լուսանկար է հրապարակել, որի մեկնաբանություններում անկեղծորեն խոսել է իր վախերի մասին:

Պարուհին գրել է. «Մեզնից յուրաքանչյուրը ունի բարդույթներ եւ վախեր, որոնք մեզ ավելի լավն են դարձնում կամ կործանում են: Ես մանկուց միշտ ուշադրության կենտրոնում էի. սկզբում ելույթ էի ունենում դպրոցական բոլոր միջացառումներին, հետո ամանորյա հանդեսներին, ավելի ուշ՝ գիշերային ակումբներում, իսկ որոշ ժամանակ անց՝ մեծ հրապարակներում ու հեռուստատեսությամբ: Ես կկիսվեմ ձեզ հետ նրանով, ինչը տանջում էր ինձ եւ, հնարավոր է, որ մինչեւ հիմա էլ տանջում է: Ես չէի ուզում լինել ուղղակի գեղեցիկ աղջիկ, որը լավ է պարում, ես շատ էի ուզում լինել լավ մարդ»:

Հայուհին հավելել է. «Ես ուզում էի, որ դա լիներ իմ գլխավոր տաղանդը: Ես միշտ հավատացել եմ, որ որքան գեղեցիկ է կինը, այնքան ավելի շատ նա պետք է աշխատի իր ներքին գեղեցկության վրա: Եւ իմ ամենամեծ վախն այն է, որ իմ արտաքինը կարող է լինել ավելի գեղեցիկ, քան ներքինը: Հուսով եմ ՝ կարողացա միտքս հասցնել ձեզ»:

Հիշեցնենք, որ ավելի վաղ, վերադառնալով Սոչիից, որտեղ հայուհին հանգստանում էր, անդադար մասնակցելով զանազան պարապմունքների, պարուհին մասնակցել է ֆոտոշարքի։

Տեսանյությում VARDA-ն լոգանք է ընդունում, շուրջը կարմիր վարդերի թերթիկներ շաղ տված, եւ այդ ընթացքում նրան լուսանկարում են տարբեր դիտակետերից ։

Ընդ որում պարուհին նշել էր, որ ֆոտոշարքի տեսանյութն ինքն է մոնտաժել։

«Ահա թե ինչու է աղջիկներին պետք ծաղիկներ նվիրել» ,- մակագրել է տեսանյութը VARDA-ն։