«Մարտահրավերներն անխուսափելի են». Տարոն Աճեմօղլուն պատրաստվում է գալ Հայաստան (Տեսանյութ)
Բացարձակապես խաղաղ թավշյա հեղափոխությամբ Հայաստանը թեւակոխեց զարգացման նոր փուլ: Այս մասին «Ամերիկայի ձայնի» հետ զրույցում նշել է անվանի հայազգի տնտեսագետ Տարոն Աճեմօղլուն:
Նա սակայն նկատել է, որ խաղաղ հեղափոխությունը կարեւորագույն, բայց միայն առաջին քայլն է. «Երկորրդ քայլը կլինի այս խաղաղ սկզբի վրա հիմնվելով համակարգային բարեփոխումներ կատարելը՝ հիմք դնելով ապագա բարգավաճման համար: Այդ երկրորդ քայլը որեւէ կերպ երաշխավորված չէ, բայց մենք հիմա գոնե ունենք այն իրագործելու հնարավորությունը»,-նշել է Աճեմօղլուն:
Նա համոզմունք է հայտնել, որ գոյություն չունեն համընդհանուր լուծումներ, դրանք կախված են յուրաքանչյուր երկրի պայմաններից. «Այդուհանդերձ, հիմնական պահանջներն են՝ արմատախիլ անել կոռուպցիան, սկսել կառուցել ապագա տնտեսական աճի ինստիտուցիոնալ հիմնասյուները, եւ անել այս ամենը ներքին համերաշխության պայմաններում: Եթե հայացք գցենք այս ճանապարհին հաջողության հասած երկրներին, կտեսնենք, որ դրանք բոլորը այրել են նախկին հակասությունները եւ նոր սկզբի վրա հիմնվել»:
«Ինչու են տապալվում պետությունները» գրքի հեղինակ Աճեմօղլուն նկատում է, որ Հայաստանի համար խոստումնալից է, որ թե երկրի ներսում, թե դրսում միջազգային հանրության շրջանում առկա է իրական խանդավառություն, որ եկել է փոփոխությունների ժամանակը: Սակայն մարտահրավերներն անխուսափելի են: Այս պայմաններում ցանկություն կա բոլոր խնդիրները միանգամից լուծել, սակայն նման մոտեցման դեպքում չի ստեղծվում այն հիմքը, որն ապահովում է հավասարակշիռ մոտեցում»,-ընդգծել է հայտնի տնտեսագետը:
Նրա խոսքով, ՀՀ իշխանությունները բոլոր մակարդակներով պետք է համալրվեն նոր, երիտասարդ մարդկանցով. «Միաժամանակ, պետք է թույլ չտալ եղած կառույցների տապալումը»:
Աճեմօղլուն իրեն չի տեսնում ՀՀ կառավարությունում՝ նշելով, որ դա ՀՀ քաղաքացիների գործն է: Այդուհանդերձ, Աճեմօղլուն հիմա ՀՀ իշխանությունների հետ քննարկում է, թե երբ է հարմար, որ ժամանի Հայաստան որպես փորձագետ, ով կարող է խորհուրդ տալ բարեփոխումների վերաբերյալ. «Երկու անգամ զրուցել եմ վարչապետ Փաշինյանի հետ: Դա ինձ կօգնի նստել ու վերլուծել, թե ինչպես կարող է զարգանալ իրավիճակը եւ կարող եմ արդեն ժամանել ու խորհուրդ տալ»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը