Արքայազն Հարիի ու Մեգան Մարքլի հարսանիքի համար կծախսվի 46 մլն դոլար

Մեծ Բրիտանիայի արքայազն Հարիի և նրա հարսնացուի`ամերիկյան դերասանուհի Մեգան Մարքլի հարսանեկան արարողության ընդհանուր բյուջեն կկազմի 46 մլն դոլար, հայտնում է ուկրաինական ТСН հեռուստաընկերությունը:

Ընդորում՝ ծախսերի մեծ մասը (43 մլն դոլար) արքայական ընտանիքը պատրաստվում է հատկացնել անվտանգության ապահովմանը: Նշվում է, որ ներկաների անվտանգությունը կապահովեն պրոֆեսիոնալ դիպուկահարները և քողարկված ոստիկանները:

Հարսանեկան խնջույքի դահլիճի համար կվճարվի 500.000 դոլար, հյուրասիրությունը կարժենա 409.000 դոլար:

Ինչ վերաբերում է Մեգան Մարքլի զգեստին, դիմահարդարմանն ու վարսահարդարմանը, ապա դրանց ընդհանուր արժեքը կկազմի 445.000 դոլար, իսկ փեսացուի կոստյումը կարժենա 12.000 դոլար: