Ռուսական ֆոնդային շուկան փլուզվել է

«Մոսբիրժա»-ի ցուցանիշը կորցնում է ավելի քան 5 տոկոս, RTS ցուցանիշը` ավելի քան 7 տոկոս: Ամենամեծ անկումը գրանցվել է այն ընկերություններում, որոնց ղեկավարների նկատմամբ պատժամիջոցներ են կիրառվել, փոխանցում է «ՌԲԿ»-ն:

Ռուսական ընկերությունների բաժնետոմսերն անկմամբ են արձագանքում ԱՄՆ ֆիննախի կողմից պատժամիջոցների կիրառմանը: Երկուշաբթի՝ ապրիլի 9-ին,«Մոսբիրժա»-ի ցուցանիշը նվազել է 9 տոկոսով, RTS-ի ցուցանիշը՝ 10.7 տոկոսով:

Անկման առաջատարներն են «Ռուսալ»-ը (-26.7 տոկոս), «Պոլյուս»-ը (-8.8 տոկոս), «Նորիլսկի նիկել»-ը՝ (-10 տոկոս), «Ռասպադսկայա»-ն՝ (-7.2 տոկոս), «Մեչել»-ը՝ (-10 տոկոս), En+-ը (-17.7 տոկոս), ՎՏԲ-ն (-6.7 տոկոս), Սբերբանկը (-6.8 տոկոս), Ալրոսանան (-7 տոկոս):