Կլոպը Գվարդիոլային եւս մի դաս տվեց

Ֆուտբոլի Չեմպիոնների լիգայի քառորդ եզրափակիչ առաջին խաղում «Լիվերպուլը» սեփական դաշտում խաշոր՝ 3:0 հաշվով հաղթեց Անգլիայի առաջնության աղյուսակը վստահ գլխավորող «Մանչեսթեր Սիթիին»:

Առաջին խաղակեսում Յուրգեն Կլոպի սաները հրաշք ֆուտբոլ ցուցադրեցին եւ կարողացան երեք գոլ խփել մանչեսթերցիների դարպասը: 12-րդ րոպեին Սալահը բացեց հաշիվը, իսկ 21-րդ րոպեին Ալեքս Օսլեյդ Չեմբեռլենը գեղեցիկ հարվածով հաշիվը դարձրեց 2:0, իսկ երրորդ գոլը խփեց Սադիո Մանեն:

Երկրորդ խաղակեսում լիվերպուլցիները հիմնականում պաշտպանվեցին, իսկ Գվարդիոլան այդպես էլ չկարողացավ գտնել դեպի մրցակցի դարպասը տանող դռան բանալին: Ոչ մի վտանգավոր պահ մանչեսթերցիները չստեղծեցին:

Դժվար է ասել, թե ինչ խաղաոճ եւ մարտավարություն է ընտրելու Գվարդիոլան պատասխան խաղում երեք գոլի տարբերությունը լրացնելու համար, բայց որ սպասվում է արտակարգ լարված խաղ արդեն իսկ պարզ է:

Մյուս խաղում, ինչպես եւ սպասվում էր «Բարսելոնան» հեշտությամբ հաղթեց «Ռոմային»՝ 4:1 հաշվով: Ընդ որում, 4:1 հաշվով հաղթելու համար բարսելոնցիներին բավարար եղավ խփել երկու գոլ: Առաջին երկու գոլերը սեփական դարպասն անցկացրին «Ռոմայի» ֆուտբոլիստները:

Արդեն այսօր կարելի է կռահել, որ կիսաեզրափակիչ դուրս կգան «Ռեալը», «Բավարիան», «Լիվերպուլը» եւ «Բարսելոնան»:

Top-News.am