Երկիրն աղքատանում է, մարզպետները` հարստանում

«Հրապարակը» գրում է.  «Բարձրաստիճան պաշտո­նատար անձանց էթիկայի հանձնաժողով ներկայաց­ված պետական պաշտոնյաների և նրանց փոխկապակցված անձանց 2017 թ. տարեկան հայտարարագրե­րի ուսումնասիրությունից կարելի է հետևություն անել, որ թանկացումներով ուղեկցված անցած տարին այն­քան էլ վատը չի եղել նրանց համար:

Նրանցից ոմանք ընդլայնել են իրենց կարողությունները` թանկարժեք գույք են ձեռք բերել, բնակարան, օբ­յեկտներ, ավտոմեքենա, հողամաս և այլն: Նոր հայտարարագրերի ուսում­նասիրությանը, հուսանք, հետամուտ են նաև կոռուպցիայի դեմ պայքարի պատասխանատուները և օգտակար ինֆորմացիա են քաղել իրենց համար: Մենք ուսումնասիրեցինք, մասնա­վորապես, ՀՀ մարզպետների հայտարարագրերը և արձանագրեցինք, որ նրանցից ոչ բոլորի և նրանց փոխկապակցված անձանց 2017 թ. հայտա­րարագրերն են առկա հանձնաժողովի ռեեստրում: Օրինակ` Գեղարքունիքի մարզպետ Կարեն Բոթոյանը և նրան փոխկապակցված անձ կինը, ով Շի­նանյութի Սերգեյի դուստրն է, չեն ներկայացրել իրենց 2017 թ. տարե­կան հայտարարագրերը:

Կոտայքի մարզպետ Կարապետ Գուլոյանի կնոջ` Գագիկ Ծառուկյանի դուստր Ռոզա Ծառուկյանի 2017 թ. տարեկան հայտարարագիրը նույնպես բացա­կայում է ռեեստրում: Հանձնաժողով իրենց հայտարարագրերը չեն ներկա­յացրել նաև Արագածոտնի մարզպետ Աշոտ Սիմոնյանի, Շիրակի մարզպետ Արթուր Խաչատրյանի կանայք:

Իսկ Արարատի մարզպետ Արամայիս Գրիգորյանը, օրինակ, անցյալ տարի վաճառել է իրեն պատկանող բնակարաններից մեկը` 35 միլիոն դրամով: 2017 թ. պաշտոնը ստանձնելիս Արարատի մեծահարուստ մարզպետը երկու բնակարան էր հայտարարագրել բազմաբնակարան բնակելի շենքում, մեկ առանձնա­տուն, բազմամյա տնկի, հողամաս, ինչպես նաև արտադրական նշա­նակության մեկ և հասարակական նշանակության մեկ շինություն: Շարժական գույքից Գրիգորյանը հայտարարագրել էր չորս տրանսպոր­տային միջոց` LEXUS LՏ 600 HL, VAZ 2121, MITSUBISHI PAJERO 10 2.0 և բեռնատար ZIL MMZ-45021: Նրա դրամական միջոցները պաշտոնը ստանձնելիս կազմել են 776,000 ԱՄՆ դոլար, 300,000 ռուսական ռուբլի և 961,278,430.00 դրամ: 2017 թ. տա­րեկան հայտարարագրում Գրիգորյանի դրամական միջոցների պատկերը գրեթե նույնությամբ պահպանվել է, դրամով նրա միջոցները փոքր-ինչ «թեթևացել» են` հարկային տար­վա վերջում կազմելով 922,404,051 դրամ: Մարզպետ Գրիգորյանը, որ­պես եկամուտ, հայտարարագրել է շահաբաժին` 28 մլրդ 616 մլն դրամ, այլ եկամուտներ` 45,163,800, աշխատանքի վարձատրություն կամ դրան հավասարեցված այլ վճարումներ` 5,825,821 դրամ»,-գրում է թերթը:

Մանրամասները՝ թերթի այսօրվա համարում: