Հենրիխ Մխիթարյանը դուրս եկավ փոխարինման եւ մասնակցեց «Արսենալի» վստահ հաղթանակին
Անգլիական Պրեմյեր լիգայի 32-րդ տուրում Լոնդոնի «Արսենալը» սեփական խաղադաշտում 3։0 հաշվով առավելության հասավ «Սթոք Սիթիի» նկատմամբ՝ բոլոր գոլերը խփելով վերջնամասում։
Լոնդոնյան ակումբից դուբլի հեղինակ դարձավ գաբոնցի հարձակվող Պյեր-Էմերիկ Օբամեյանգը, որը 75-րդ րոպեին հաշիվը բացեց 11 մետրանոց հարվածով՝ աչքի ընկնելով նաեւ 86-րդ րոպեին։ Հանդիպման վերջակետը 89-րդ րոպեին դրեց ֆրանսիացի հարձակվող Ալեքսանդր Լյակազեթը, որն անվրեպ իրացրեց 11 մետրանոց հարվածը եւ առաջին խաղն անցկացրեց փետրվարին ստացած վնասվածքից վերականգնվելուց հետո։
Հայաստանի հավաքականի կիսապաշտպան Հենրիխ Մխիթարյանն Արսեն Վեգների գլխավորած թիմի պահեստայինների թվում էր եւ փոխարինման դուրս եկավ 76-րդ րոպեին՝ առաջին գոլից մեկ րոպե հետո։
«Արսենալը» 51 միավորով 6-րդ տեղում է եւ 10 միավոր հետ է Չեմպիոնների լիգայի ուղեգիր տվող չորրորդ տեղից, որը զբաղեցնում է «Տոտենհեմը»։
Անգլիայի առաջնություն, 32-րդ տուր
«Արսենալ» - «Սթոք Սիթի»՝ 3:0
Պյեր-Էմերիկ Օբամեյանգ, 75 (11մ), 86, Ալեքսանդր Լյակազեթ, 89 (11մ)
«Արսենալ». Դավիդ Օսպինա, Հեկտոր Բելերին, Շկոդրան Մուստաֆի, Կալում Չեմբերս, Նաչո Մոնրեալ, Աարոն Ռեմզի, Մոհամեդ Էլնենի (Գրանիտ Ջակա, 76), Ջեկ Ուիլշիր (Հենրիխ Մխիթարյան, 76), Մեսութ Օզիլ, Դենի Ուելբեկ (Ալեքսանդր Լյակազեթ, 61), Պյեր-Էմերիկ Օբամեյանգ։


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Ոչ սթափ ղեկին մի նստի՛ր (տեսանյութ)
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ