«Վթարի մեղավորը մյուս մեքենան է եղել». «Ման-տուրը»՝ ՌԴ-ում հայկական ավտոբուսի վթարի մասին
«ՄԱՆ-ՏՈՒՐ» ընկերությունը, որին պատկանում է Վորոնեժում մարտի 20-ին վթարված հայկական ավտոբուսը, կցկտուր տեղեկություններ է հաղորդում վթարի վերաբերյալ:
NEWS.am-ին վթարից միայն 2 օր անց հաջողվեց կապ հաստատել ընկերության երեւանյան գրասենյակի հետ: Նշենք, որ 2 օր է՝ ոչ ոք հեռախոսահամարներին չէր պատասխանում, իսկ գրասենյակը վթարի օրը փակ էր:
«Վթարի մեղավորը հանդիպակաց եկած մեքենան է եղել»,- ասացին գրասենյակից՝ հրաժարվելով այլ տեղեկություններ հաղորդել:
Ճշտող հարցին՝ բեռնատարի վարո՞րդն է եղել մեղավոր, ընկերությունից դրական պատասխան տվեցին:
Գրասենյակից փոխանցեցին նաեւ, որ ՍՊԸ-ի տնօրենը Երեւանում չէ:
Ի դեպ, վթարից անմիջապես հետո ռուսական կողմը հայտարարեց, որ նախնական տվյալով, վթարի պատճառը ավտոբուսի հանդիպակաց ուղեմաս դուրս գալն է եղել:
Հիշեցնենք, որ մարտի 20-ին «Դոն» Մ4 ավտոճանապարհի 673-րդ կիլոմետրին Երեւանից Մոսկվա ուղեւորվող ավտոբուսը բախվել է բեռնատարին: Զոհվել է 2 մարդ, տուժել 9 քաղաքացի:
Ավտոբուսի վարորդներն են եղել 1972թ. ծնված Տիգրան Բաբախանյանը եւ 1974թ. ծնված Արկադի Թադեւոսյանը: Նախապես հաղորդվում էր, որ պատահարի երկու զոհերից մեկը հայկական ավտոբուսի վարորդն է, սակայն ԱԻՆ հաղորդագրության համաձայն՝ նրանք վիրավոր են: Աղբյուրի տեղեկացմամբ՝ զոհվել են ավտոբուսի ուղեւոր՝ 1978թ. ծնված Ա.Դ. Սուքիասյանը եւ բեռնատարի վարորդը՝ 1961թ. ծնված Ն.Սիոնին:


















































Մեզ ասացին, որ գնանք Կիև, այնտեղ մեզ 1 միլիոն ռուբլի կտան․ Crocus City Hall-ի գործով մեղադրվողներ
Տաջիկստանում 9 մարդ է ձերբակալվել Crocus City Hall-ի գործով
Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե
Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ
Crocus City Hall-ը՝ ահաբեկչությունից հետո
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ
Թուրքիայում ռազմական ուղղաթիռի կործանման հետևանքով 4 զինծառայող է մահացել