Ողջունելի է, որ ապրիլյան պատերազմից հետո ՌԴ-ն ինչ-որ հետեւություններ անում է. ԱԳ փոխնախարար
Տպավորությունը նա է, որ ինչ-որ հետեւություններ արվում են Ռուսաստանի կողմից:
Այս մասին, այսօր՝ մարտի 15-ին, կառավարության նիստից հետո լրագրողների հետ զրույցում ասաց ՀՀ փոխարտգործնախարար Շավարշ Քոչարյանը՝ անդրադառնալով ՌԴ Դաշնային ժողովի Դաշնային խորհրդի միջազգային գործերով հանձնաժողովի նախագահ Կոնստանտին Կոսաչեւի այն հայտարարությանը, թե ապագայում Ադրբեջանին զենքի վաճառքը չի իրականացվի գործող մասշտաբներով:
«Ողջունելի է այն հանգամանքը, որ ապրիլյան պատերազմից փորձում են հետեւություններ անել: Ողջունելի է այդպիսի հայտարարությունը»,-ասաց նա:
Դիտարկմանը, որ Ստոկհոլմում գործող Ազգային խաղաղության հետազոտության ինստիտուտի՝ SIPRI-ի, գնահատականներով 2013-2017 թվականներին Ռուսաստանը Ադրբեջանի թիվ մեկ մատակարարն է սպառազինությունների, որը կազմում է Ադրբեջանի ներմուծած սպառազինության 65 տոկոսը, Շավարշ Քոչարյանը նկատեց, որ ոչ միայն այդ ժամանակահատվածում, այլ միշտ էլ Ռուսաստանը եղել է Ադրբեջանին զենքի համար մեկ մատակարարողը:
Ավելի վաղ NEWS.am-ը հայտնել էր, որ նախօրեին ՌԴ Դաշնային ժողովի Դաշնային խորհրդի միջազգային գործերով հանձնաժողովի նախագահ Կոնստանտին Կոսաչեւը Երեւանում կայացած ասուլիսի ժամանակ հայտարարել էր, որ ռուսական զենքի վաճառքն Ադրբեջանին իրականացվել է այն պայմանավորվածությունների շրջանակներում, որոնք ձեռք են բերվել մինչեւ 2016 թ. Ապրիլը:
«Ռուսաստանը կատարում է այն պայմանագրերը, որոնք կնքվել են մինչեւ 2016 թ. ապրիլը, եւ մենք պարտավոր ենք դա անել՝ այդ պայմանագրերի դրույթների համաձայն: Բայց սա այն իրավիճակն է, որ գոյություն է ունեցել մինչեւ այդ պահը, եւ ըստ իմ ունեցած տեղեկության՝ ապագայում այն չի իրականացվի գործող մասշտաբներով: Իհարկե, մենք արձագանքում ենք այն իրավիճակին, որը տեղ է գտել 2016 թ. ապրիլին: Այս մասին ոչ մի կասկած չկա»,–նշել էր նա:
Լուրեր Հայաստանից - NEWS.am


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ
Թուրքիայում ռազմական ուղղաթիռի կործանման հետևանքով 4 զինծառայող է մահացել