Հայաստանը կարեւոր անցումային փուլում է. Սվիտալսկի
Հայաստանը կարեւոր անցումային փուլում է: Այս մասին Հայաստանում ԵՄ պատվիրակության ղեկավար Պյոտր Սվիտալսկին հայտարարեց Երեւանում ընթացող Քրեական օրենսգրքի նախագծի քննարկման ժամանակ:
Նրա խոսքով՝ ԵՄ-ի համար անչափ հաճելի է մասնակցել այս նախաձեռնությանը: «ԵՄ-ն այս ծրագրին մոտ 900 հազար եվրոյի ֆինանսական աջակցություն է ցուցաբերում (2015 թվականից – խմբ.): Կարծում եմ՝ այդ գումարն արժի ծախսել այս նպատակների համար, եւ ԵՄ-ն մեծ գոհունակությամբ է համագործակցում ԵԽ-ի հետ: Մենք ընդհանուր աշխատանք ենք կատարում եւ ընդհանուր արժեքներ ունենք: ԵՄ-ի եւ կազմակերպության անդամների համար Հայաստանում բարեփոխումներին աջակցելը առաջնահերթություն է: Հայաստանը կարեւոր անցումային փուլում է»,- հայտարարեց Սվիտալսկին:
Պատվիրակության ղեկավարն այս համատեքստում ընդգծեց բարեփոխումների խորացման կարեւորությունը. «Ես լավ եմ պատկերացնում Հայաստանի արդարադատության նախարարի եւ նրա թիմի վիճակը: Կարճ ժամանակահատվածում նրանք ստիպված էին կարեւոր նախագիծ մշակել, եւ դա նրանց հաջողվեց: Երբ մենք հանդիպում ենք հայ պաշտոնյաների հետ, մշտապես շեշտում ենք, որ դատաիրավական բարեփոխումները առաջին տեղում են, եւ մենք պատրաստ ենք սատարել բարեփոխումների իրականացմանը»:
Պյոտր Սվիտալսկին նշեց, որ ԵՄ-ի համար կարեւոր հարցերի ցանկը երկար է եւ անհնար է այն թվարկել: Սակայն ընդհանուր ցանկից պատվիրակության ղեկավարն առանձնացրեց 2 ամենակարեւորները՝ իրավապահ մարմիններից դատավորների անկախության ապահովումը եւ նախնական կալանավորումների թվի ու տեւողության կրճատումը: «Եթե տեսնեք, թե հիմա ինչպիսի իրավիճակ է, կհամաձայնվեք»,- հավելեց Պյոտր Սվիտալսկին:


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ
Թուրքիայում ռազմական ուղղաթիռի կործանման հետևանքով 4 զինծառայող է մահացել