Ռոման Աբրամովիչը Telegram-ում 300 մլն դոլար է ներդրել

Գործարար Ռոման Աբրամովիչը ներդրում է կատարել Telegram- ում, հաղորդում է «Վեդոմոստի»-ն։

Թերթի զրուցակիցներից մեկը պնդում է, որ խոսքը մոտ 300 մլն դոլարի մասին է: Երկու այլ աղբյուրների համաձայն՝ Աբրամովիչը Ռուսաստանում առաջիններից մեկն է, որ իրավունք է ստացել ներդրում կատարել Պավել եւ Նիկոլայ Դուրովների կողմից կառավարվող Telegram Group Inc и TON Issuer Inc ընկերությունում։

Ռոման Աբրամովիչի Millhouse ընկերության ակտիվների գծով ներկայացուցիչ Ջոն Մանը հրաժարվել է մեկնաբանել լուրը: Պավել Դուրովը նույնպես չի պատասխանել հարցերին:

Այն մասին, որ Telegram-ը պատրաստվում է թողարկել երրորդ սերնդի բլոկչեյն հարթակ՝ Telegram Open Network-ը Gram կրիպտոարժույթով, հայտնի է դարձել հունվարին։ Հարթակի թողարկումը տեղի է ունենալու հանրային ներդրումների հաշվին։