Բարձրակարգ IT ծառայություններ և օգնություն կարիքավորներին. «Սահակ Սերվիս»

Ի՞նչ խորհուրդ կտաք, եթե համակարգիչը կամ սմարթֆոնը խափանվում է:
Սահակ Սերվիս ՍՊԸ ընկերության ղեկավար Հակոբ Սահակյանի պատասխանը շատ դիպուկ էր՝ հացը թողեք հացթուխին: Այսինքն՝ ինքնագործունեությամբ զբաղվելու փոխարեն դիմեք մասնագետի, որպեսզի սարքավորումը հնարավոր լինի, ինչպես ընկերությունում են ասում, «հետ բերել»:

Համակարգիչներ, սմարթֆոններ, տպիչներ և տեղեկատվական տեխնոլոգիաների հետ կապված տարբեր մանրուքներ…սրանք են գերակշռում «Սահակ սերվիս ՍՊԸ»-ի գրասենյակում: Հունվարի 24-ին «Սահակ սերվիս ՍՊԸ» ընկերությունում մեզ դիմավորեցին ջերմ և մտերմիկ մթնոլորտում։ Այդ օրը ընկերությունը նշում էր իր տասնամյակը։

«Այս 10 տարվա ընթացքում մեր ամենամեծ ձեռքբերումը մեր ընտանիքն է՝ աշխատակիցների թիմը և հաճախորդների բանակը, որոնք վստահում և սիրում են մեզ»,-ասում է «Սահակ Սերվիս ՍՊԸ»-ի ղեկավար Հակոբ Սահակյանը:

«Սահակ Սերվիս ՍՊԸ» ընկերությունում կատարում են համակարգիչների և սմարթֆոնների նորոգում, ծրագրային ապահովումների տեղադրում, տպիչների նորոգում և լիցքավորում, քարթրիջների լիցքավորում, անվտանգության համակարգերի, լոկալ ցանցերի տեղադրում ու վերանորոգում, ինչպես նաև մի շարք այլ ծառայություններ:

«Հաճախորդին օգնելու համար նախ պետք է կարողանաս հասկանալ նրա խնդիրները և ճիշտ լուծում առաջարկել։ Եթե հաճախորդի խնդրին ճիշտ լուծում չտաս, կարող ես համոզված լինել, որ նա երկրորդ անգամ քեզ չի դիմի, եթե նույնիսկ շատ լավ բարեկամներ եք»-, վստահ է Հակոբ Սահակյանը: Սակայն ընկերությունն իր հաճախորդներին հուսախաբ չի անում։ Իսկ տարիների համագործակցության արդյունքում արդեն ձեռք է բերել ոչ միայն գործընկերներ, այլև բարեկամներ. «Այնպես է ստացվել, որ մենք շատ ենք համագործակցում մշակութային ոլորտի հետ, ինչպես՝ Մատենադարանը, Հայաստանի Պատմության թանգարանը, Ազգային պատկերասրահը և մի շարք մասնավոր ու պետական այլ հիմնարկներ»,-ասում է Հակոբ Սահակյանը:
Հակոբ Սահակյանի խոսքով՝ Հայաստանում մեծանում է նաև անվտանգության համակարգերի պահանջարկը։

«Մարդիկ ցանկանում են անվտանգության համակարգեր տեղադրել տանը, գրասենյակում և այն վայրերում, որտեղ գործունեություն են ծավալում։ Դա բնական է, անվտանգությունից շատ բան է կախված»,-ասաց ընկերության ղեկավարը։

Ցավոք, սահմանամերձ շրջաններում տեղեկատվական տեխնոլոգիաների պակասը մեծ է: Այս մասին լավ իմանալով և այդ շրջաններում կրթությունն ու զարգացվածությունը կարևորելով՝ Սահակ սերվիս ՍՊԸ-ն որոշեց իր տասնամյակը նշել Բերդավանում՝ մանուկների հետ միասին և տեղի մշակույթի տանը համակարգիչներ, տպիչներ ու բարձրախոսներ նվիրել։

«Հաճելի է և օրիգինալ, երբ ծննդյանդ օրը ոչ թե նվեր ես ստանում, այլ նվիրում ես»-, ասում են ընկերության աշխատակիցները
Եվ այսպես, ոչ միայն հացիվ…աշխատանքում լինել ազնիվ ու պատասխանատու, չմոռանալ նրանց մասին, ովքեր օգնության կարիք ունեն և անել հնարավոր ամեն ինչ՝ մարդկանց օգնելու համար։ Այս սկզբունքներով է առաջնորդվում «Սահակ Սերվիս ՍՊԸ»-ն։