Ալբանիայի վարչապետ Էդի Ռաման հրաժարվել է հրաժարական տալ
Ալբանիայի վարչապետ Էդի Ռաման հրաժարվել է հրաժարական տալ՝ հայտարարելով, որ արդեն վեց օր շարունակվող բողոքի ցույցերը սպառնում են ոչ թե իր կառավարությանը, այլ երկրի՝ Եվրամիությանն անդամակցելու հեռանկարին։ Այս մասին հայտնում է Reuters-ը։
Ուսանողների գլխավորած ցույցերը սկսվել են կառավարության ենթադրյալ կոռուպցիայի, աշխատատեղերի պակասի և կրթության ցածր որակի դեմ դժգոհությունների ֆոնին։ Շարժումը տարածվել է Տիրանայից դեպի այլ քաղաքներ՝ վերածվելով ավելի լայն հակակառավարական բողոքի։
Կիրակի օրը հազարավոր ցուցարարներ հավաքվել են Կրթության նախարարության շենքի մոտ և քարեր նետել ոստիկանների ուղղությամբ։ Իրավապահները պատասխանել են արցունքաբեր գազով, ջրցան մեքենաներով և ռետինե փամփուշտներով։ Ցուցարարները նաև հրկիզել են պետական շենքեր, հարձակվել բանկերի վրա և կոտրել խանութների ցուցափեղկեր։
«Ալբանացիները պետք է հստակ մտածեն՝ արդյոք նրանք ցանկանում են այս ամենը, թե՞ ուզում են անդամակցել Եվրամիությանը»,- հայտարարել է Ռաման՝ ուսանողներին երկխոսության հրավիրելով։
Նշենք, որ նա երկիրը ղեկավարում է 2013 թվականից և անցյալ տարի հաղթել է չորրորդ ժամկետի համար անցկացված ընտրություններում։
Եվրահանձնաժողովը դատապարտել է Տիրանայում և այլ քաղաքներում բռնությունների կիրառումը՝ միաժամանակ ողջունելով իշխանությունների պատրաստակամությունը՝ պաշտպանելու բողոքի խաղաղ արտահայտման իրավունքը։
Ոստիկանության տվյալներով՝ ցույցերի ընթացքում քրեական իրավախախտումների մեղադրանքով անցնում է 388 մարդ։ Տասնյակ ոստիկաններ և ցուցարարներ վիրավորվել են։ Ալբանիան նպատակ ունի Եվրամիությանն անդամակցել մինչև 2030 թվականը։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Մարզերից եկող մեքենաները՝ Երևանի մուտքի մոտ․ ի՞նչ նոր խնդիրներ կարող են առաջանալ
Հունաստանում ԱՄՆ դեսպանը իր պաշտոնական դիրքն օգտագործել է անձնական նպատակներով
COP17–ի նախապատրաստական աշխատանքներն ավարտական փուլում են (տեսանյութ)
Առանց տեղումների եղանակ
Ռուսաստանը հարվածել է Կիեւին
«Երաժշտական պրոդյուսինգ և ձայնային դիզայն». նոր ծրագիր Երևանի պետական կոնսերվատորիայում
Պլանային ջրանջատում Երևանի Քանաքեռ-Զեյթուն վարչական շրջանում և Կոտայքի մարզում հոկտեմբերի 15-16-ին
Հայ եւ թուրք գործարարները զգուշավորությամբ են զննում «գետինը» հարաբերությունների կարգավորման եւ սահմ...