ԱՄՆ-ը Իրանին առաջարկել է միջուկային վառելիք՝ ուրանի հարստացումից հրաժարվելու դիմաց
ԱՄՆ-ը պատրաստ է Իրանին միջուկային վառելիք մատակարարել, եթե Թեհրանը հրաժարվի ուրանի հարստացման ծրագրից։ Այդ մասին Bloomberg-ին տված հարցազրույցում հայտարարել է ԱՄՆ էներգետիկայի նախարար Քրիս Ռայթը։
Նրա խոսքով՝ Իրանը կարող է անհրաժեշտ միջուկային վառելիքը ստանալ արտերկրից՝ միաժամանակ դադարեցնելով սեփական հարստացման աշխատանքները։ Ռայթը նշել է, որ նման քայլը Թեհրանին հնարավորություն կտա վերադառնալ միջազգային հանրության հետ համագործակցության և նպաստել տարածաշրջանում խաղաղության ու տնտեսական զարգացմանը։
ԱՄՆ էներգետիկայի նախարարը նաև հայտարարել է, որ եթե Իրանը մերժի Վաշինգտոնի առաջարկը և շարունակի միջուկային զենք ստեղծելու գաղտնի ծրագիրը, ԱՄՆ-ը պատրաստ կլինի հակազդել ռազմական միջոցներով։ Միևնույն ժամանակ նա ընդգծել է, որ Վաշինգտոնի համար նախընտրելի տարբերակը շարունակում է մնալ բանակցությունների միջոցով խնդրի կարգավորումը։
Ռայթը հայտնել է նաև, որ ԱՄՆ-ը գրեթե ավարտել է ուրանի սեփական մատակարարման շղթայի ձևավորումը։ Նրա խոսքով՝ ամերիկյան կողմը վերջնականացնում է ուրանի արտադրության և գործընկեր երկրների հետ համագործակցության ոլորտում երկարաժամկետ պայմանագրերը։
Միաժամանակ, Վաշինգտոնին մտահոգում է Իրանում միջազգային տեսուչների բացակայությունը, որոնք պետք է վերահսկեն երկրի ուրանի պաշարների գտնվելու վայրը և դրանց օգտագործումը։ Ավելի վաղ Միջազգային ատոմային էներգիայի գործակալության ղեկավար Ռաֆայել Գրոսին հայտնել էր, որ Իրանի Քիրքա լեռան շրջանում գտնվող միջուկային օբյեկտում արձանագրվել է ակտիվություն։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը