Շոտլանդիան, Ուելսն ու Հյուսիսային Իռլանդիան ինքնորոշման իրավունքի հռչակագիր են նախատեսում ստորագրել

Մեծ Բրիտանիայի մաս կազմող Շոտլանդիայի, Ուելսի եւ Հյուսիսային Իռլանդիայի ղեկավարներն այսօր՝ սեպտեմբերի 14- ին, հավաքվելու են Քարդիֆում՝ անկախության հանրաքվեների իրավունքի մասին հռչակագիր եւ համագործակցության հուշագիր ստորագրելու համար, պարզել է The Telegraph-ը։

 Պատմության մեջ առաջին անգամ բոլոր երեք տարածաշրջանները ղեկավարում են անկախության կողմնակիցներ, նշել է Շոտլանդիայի վարչապետ Ջոն Սուինին։

Թերթի տեղեկություններով՝ համաձայնագիրը կներառի չորս ուղղություն՝ տնտեսություն, էներգետիկա, Եվրոպա եւ միջազգային համագործակցություն, ինչպես նաեւ ինքնորոշում։ Բոլոր երեք կողմերը համաձայն են, որ իրենց տարածաշրջանները պետք է լինեն Եվրամիության կազմում. Շոտլանդիան եւ Ուելսը՝ որպես նոր անդամներ, իսկ Հյուսիսային Իռլանդիան՝ որպես Իռլանդիայի Հանրապետության մաս, գրում է թերթը։

Փաստաթղթի տնտեսական բաժնում կնշվի, որ բրիտանական տնտեսական մոդելը չի գործում երեք տարածաշրջանների քաղաքացիների համար, հայտնում է  The Telegraph-ը։

ԱՄՆ նախագահ Դոնալդ Թրամփը, գտնվելով Իռլանդիայում, սեպտեմբերի 12-ին հայտարարել էր, որ ինքը «շատ կցանկանար» տեսնել միավորված Իռլանդիա։ Նրա խոսքով՝ Հյուսիսային Իռլանդիայի միացումը Իռլանդիայի Հանրապետությանը «հիանալի բան» կլիներ, նշում է The Telegraph-ը։