Իսրայելական հարվածների հետևանքով Լիբանանի Նաբաթիեում առնվազն 11 մարդ է զոհվել
Իսրայելական օդուժը կիրակի երեկոյից մինչև երկուշաբթի առավոտ մի շարք հարվածներ է հասցրել Լիբանանի հարավում՝ Նաբաթիեի շրջանում և հարակից բնակավայրերում։ Լիբանանյան աղբյուրների փոխանցմամբ՝ հարվածների հետևանքով զոհվել է առնվազն 11 մարդ, այդ թվում՝ երկու նորածին, ևս հինգ մարդ վիրավորվել է։
Հարվածների թիրախում են հայտնվել Նաբաթիե քաղաքը, Նաբաթիե ալ-Ֆաուքան, Արաբ Սալիմը, Քֆար Ռումանը, Դեյր ալ-Զահրանին, ինչպես նաև Ջաբալ ալ-Ռաֆիի և Ալի ալ-Թահերի շրջանների բարձունքները։ Փրկարարական խմբերը գիշերվա ընթացքում շարունակել են որոնողական աշխատանքները փլատակների տակ՝ զոհերի և տուժածների հայտնաբերման նպատակով։
Հարվածներից մեկը վնասել է Նաբաթիե ալ-Ֆաուքայում գտնվող Գանդուր հիվանդանոցի մի հատվածը։ Վնասվել է նաև Ֆինանսների նախարարության շենքը։ Լիբանանյան լրատվամիջոցների հաղորդմամբ՝ հարվածների հետևանքով վնասներ են կրել նաև բնակելի շենքեր և ավտոկայանատեղի։
Իսրայելի զինված ուժերը հայտարարել են, որ հարվածների թիրախում եղել են «Հեզբոլլահի» ենթակառուցվածքները, զենքի պահեստները և հրամանատարական կենտրոնը, որը, ըստ իսրայելական կողմի, տեղակայված էր նախկին հիվանդանոցի շենքում։ Իսրայելը գործողությունը ներկայացրել է որպես պատասխան «Հեզբոլլահի» կողմից հարավային Լիբանանում իսրայելական զինծառայողների ուղղությամբ անօդաչու սարքերի արձակմանը՝ այն որակելով գործող հրադադարի պայմանավորվածությունների խախտում։
Լիբանանի նախագահ Ջոզեֆ Աունը դատապարտել է իսրայելական հարվածները՝ դրանք անվանելով «վտանգավոր սրացում»։ Նա հատկապես քննադատել է պետական կառույցի և հիվանդանոցի թիրախավորումը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը