Ջրհեղեղից 10 օր անց փրկարարները ողջ են գտել տարեց կնոջը
Նեպալում փրկարարները տասն օր անց ողջ են գտել տարեց կնոջը, որին ընտանիքը արդեն զոհված էր համարում երկրի ավերիչ ջրհեղեղների հետևանքով։
Չանդիկա Կումարի Շրեսթային հայտնաբերել են Բեթրավատի գյուղում գտնվող նրա փլուզված տան փլատակների տակ։ Կինը գոյատևել է ջրի և ցեխի միջև ձևավորված օդի փոքր գրպանի շնորհիվ։
Ոստիկանության սպա Մահենդրա Դարնալի խոսքով՝ Շրեսթայի տունը, որը չորս հարկ ուներ, ջրհեղեղի հետևանքով ամբողջությամբ տեղաշարժվել և հայտնվել էր ճահճացած տարածքում։
«Տան շուրջը քայլելիս հանկարծ ձայն լսեցինք՝ «փրկեք ինձ»»,- պատմել է Դարնալը։
Շաբաթ օրը փրկարարական գործողությունը տևել է մոտ 45 րոպե։ Դարնալն ու նրա թիմը կարողացել են կնոջը դուրս բերել փլատակների միջից, ապա նրան տեղափոխել զինվորական հոսպիտալ։
Ոստիկանության ներկայացուցչի խոսքով՝ Շրեսթայի ընտանիքն այդ ընթացքում արդեն սկսել էր նրա մահվան կապակցությամբ նախատեսված 11-օրյա սգո արարողությունը։
Շրեսթան Բեթրավատիում անհետ կորած հարյուրավոր մարդկանցից մեկն էր։ Տարածաշրջանը Նեպալի ջրհեղեղներից առավել ծանր տուժած վայրերից է։ Ջրհեղեղների հետևանքով գյուղն ու հարակից տարածքները ծածկվել են խիտ, գրեթե բետոնի նման կարծրացած նստվածքներով։
Փրկարարական խմբերը շարունակում են որոնողական աշխատանքները և տասնյակ դիակներ դուրս բերել փլատակների տակից։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը