Գերմանիան Ռուսաստանին մեղադրել է Լայպցիգի օդանավակայանում դիվերսիայի փորձի համար
Գերմանիան պաշտոնապես մեղադրել է Ռուսաստանին մեկ ամիս առաջ ռազմավարական նշանակություն ունեցող օդանավակայանում դիվերսիայի փորձի համար: Համապատասխան հայտարարությամբ հանդես են եկել ԱԳ նախարար Յոհան Վադեֆուլը և ներքին գործերի նախարար Ալեքսանդր Դոբրինդտը:
Վերջինս հայտարարել է, որ Լայպցիգի օդանավակայանում դիվերսիայի փորձը հիբրիդային պատերազմի բաղկացուցիչ մասն է, որը Ռուսաստանը վարում է Ուկրաինայի եվրոպական դաշնակիցների դեմ: Դոբրինդտի խոսքով՝ Գերմանիայի կառավարությունը Ռուսաստանի ներգրավվածության մասին եզրակացության է եկել՝ ուսումնասիրելով դիվերսիայի փորձի ժամանակ կիրառված տեխնոլոգիաները և այլ տեղեկություններ, այդ թվում՝ հետախուզական:
Վադեֆուլն էլ հայտարարել է, որ ի պատասխան դիվերսիայի այդ փորձի՝ Գերմանիան փակում է Բոննում Ռուսաստանի հյուպատոսությունը և Բեռլինում գտնվող ռուսական տունը:
Reuters-ի փոխանցմամբ՝ Բեռլինում Ռուսաստանի դեսպան Սերգեյ Նեչաևը ժամանել է Գերմանիայի ԱԳՆ։
Գերմանիայի կառավարության հայտարարությանն արձագանքել է Եվրահանձնաժողովի ղեկավար Ուրսուլա ֆոն դեր Լայենը՝ հավաստիացնելով, որ Եվրամիությունը համերաշխ է Գերմանիայի հետ:
Օգոստոսի 4-ի լույս 5-ի գիշերը «Լայպցիգ-Հալլե» օդանավակայանի թռիչքուղիներից մեկի մոտ հայտնաբերվել է ամրացված պայթուցիկ սարքով անօդաչու թռչող սարք: Այն վնասազերծել են ականազերծող ռոբոտի օգնությամբ։
Լավրով «զարմացրել» է վարչապետ Նիկոլ Փաշինյանի պնդումը, որ երկաթուղին պատկանում է Երևանին
Հորմուզի նեղուցն ամբողջությամբ մաքրվել է իրանական ականներից. ԱՄՆ կենտրոնական հրամանատարություն
Վարչապետը վերանշանակման և ազատման հրամանագրեր է ստորագրել
Պետությանը պատճառված 520 մլն դրամի վնասը վերականգնվել է
Բնակարանների վարձակալության կեղծ հայտարարություններով քաղաքացիներից գումար են հափշտակում (տեսանյութ)
Երթևեկության կազմակերպման փոփոխություն՝ Երևանի Մինսկի փողոցում
Իմ որդին այդ որակի մարդ չէ. Հովիկ Աբրահամյան
«ՄՈՒՇ» ապրանքանիշի կոլայի համով գազավորված ըմպելիքը չի արտադրվի
Կասեցվել է «Ռոյալ ֆուդ» հանրային սննդի օբյեկտի գործունեությունը
Տիգրան Վիրաբյանը և Ալֆրեդ Քոչարյանը վերանշանակվել են ԿԳՄՍ նախարարի տեղակալների պաշտոնում