Meta-ն համաձայնել է վճարել մոտ 18 միլիարդ դոլար՝ կարգավորելու ԱՄՆ մի շարք նահանգների հայցերը, որոնցում ընկերությունը մեղադրվում է երեխաների և դեռահասների համար կախվածություն առաջացնող սոցիալական մեդիա հարթակներ ստեղծելու և նրանց հոգեկան առողջությանը վնաս հասցնելու մեջ։
Չորեքշաբթի հայտարարված համաձայնագրով ավարտվում է Meta-ի դեմ տարիներ շարունակ ընթացող խոշոր իրավական պայքարներից մեկը։ Գործարքը նախատեսում է ոչ միայն ֆինանսական փոխհատուցում, այլև ընկերության հարթակներում մի շարք փոփոխությունների իրականացում։ Մասնավորապես, դատարան ներկայացված փաստաթղթերի համաձայն՝ դեռահաս օգտատերերի համար նախատեսվում է սահմանել սոցիալական հարթակներից օգտվելու օրական ժամանակային սահմանափակումներ։
Ընդհանուր գումարից ավելի քան 17 միլիարդ դոլարը նախատեսված է 2023 թվականին ԱՄՆ 29 նահանգների կողմից համատեղ ներկայացված հայցի կարգավորման համար։ Մնացած գումարը կուղղվի այլ նահանգների և տարածքների պահանջների կարգավորմանը։ Meta-ի հաղորդմամբ՝ վճարումների մի մասը կօգտագործվի նահանգային «երիտասարդների առցանց անվտանգության նախաձեռնությունների» ֆինանսավորման համար։
Համաձայնագիրը ձեռք է բերվել Կալիֆոռնիայում դատավարության մեկնարկից մեկ շաբաթ անց։ Գործին մասնակցող չորս նահանգները Meta-ից պահանջում էին մինչև 1.4 տրիլիոն դոլարի փոխհատուցում, ինչպես նաև ընկերության հարթակներում էական փոփոխություններ կատարել։
Նահանգները պնդում էին, որ Meta-ն անպատշաճ կերպով հավաքել է անչափահասների տվյալները, իր սոցիալական մեդիա հարթակները նախագծել է երեխաների մոտ կախվածություն առաջացնելու մեխանիզմներով և հանրությանը մոլորեցրել դրանց հնարավոր վնասների վերաբերյալ։
Meta-ն երկար ժամանակ հերքել է այդ մեղադրանքները՝ պնդելով, որ զգալի ներդրումներ է կատարել երեխաների և դեռահասների անվտանգության ապահովման համար։ Ընկերությունը համաձայնագրի շրջանակում նույնպես չի ընդունել մեղքը։
«Մեր հարթակներում դեռահասների անվտանգ և արդյունավետ փորձառության ապահովումը Meta-ի համար բացարձակ հրամայական է»,-հայտարարել է ընկերությունը՝ նշելով, որ նահանգների գլխավոր դատախազների հետ համագործակցությամբ ցանկանում է ոլորտում անվտանգության նոր չափանիշներ սահմանել։
Երեխաներին հասցված վնասի հայցով Meta-ն մինչև 18 միլիարդ դոլար կվճարի
էբոլան ընդլայնվում է սրընթաց կերպով
Խուզարկություններ Ռոբերտ եւ Լեւոն Քոչարյանների բնակարաններում (լրացված)
Մադրիդի «Ատլետիկոն» սեփական հարկի տակ ուժերը չափեց «Մալագայի» հետ
«Ռոման» ջախջախիչ հաղթանակ տոնեց 4:0 հաշվով
Չէին հավատացել, որ նման բան կարող է լինել իրենց հետ. Գալջյան
Օդի ջերմաստիճանը առաջիկա օրերին կնվազի 5-7 աստիճանով. առանձին շրջաններում սպասվում է կարճատև անձրև և...
Ձերբակալվել է Ռոբերտ Քոչարյանը․ քաղաքացիների արձագանքը
Ժոզե Մոուրինյուն թիմի կազմում տեղ չի տեսնում Ռաուլ Ասենսիոյի համար
Իսրայելի խոշոր «Բեն Գուրիոն» օդանավակայանի աշխատակիցները գործադուլ են հայտարարել
Թուրքիայի հասցեին Նեթանյահուի սպառնալիքներն արտացոլում են նրա միջազգային մեկուսացումը. Դուրան