Ասիմ Մունիրը ուղևորվում է Թեհրան, մինչդեռ Վաշինգտոնը նոր պատժամիջոցներ է պատրաստում
Իսլամաբադը հերթական փորձն է ձեռնարկում Իրանի և ԱՄՆ-ի միջև խաղաղ բանակցությունները վերսկսելու համար: Այդ նպատակով Պակիստանի զինված ուժերի ղեկավար Ասիմ Մունիրը ուղևորվում է Թեհրան: Դա կլինի այս տարի Մունիրի երրորդ այցը Թեհրան՝ Իրանի դեմ ԱՄՆ-Իսրայել պատերազմի դադարեցմանն ուղղված Իսլամաբադի միջնորդության շարունակական ջանքերի ֆոնին:
Մինչդեռ Վաշինգտոնը պատրաստվում է հայտարարել Իրանի դեմ նոր տնտեսական պատժամիջոցների սահմանման մասին, որոնք ֆինանսների նախարար Սքոթ Բեսենթն անվանել է «հակառակորդի դեմ երբևէ կազմակերպված ամենամեծ ֆինանսական հարձակումը»:
Վաշինգտոնն անվանում է տնտեսական D-day՝ այն համեմատելով Երկրորդ աշխարհամարտի ժամանակ Նորմանդիայում ամերիկա-բրիտանական զորքերի ափհանման հետ: Բեսենթի խոսքով՝ նպատակն է կտրել Իրանի բոլոր տնտեսական կենսապահովման շղթաները, մինչև Թեհրանը մենակ մնա: Պաշտոնյան շեշտել է՝ նրանք, ովքեր վախենում են մարտահրավեր նետել Իրանին, պետք է նաև չանտեսեն Վաշինգտոնի համբերությունը փորձելու գինը:
Իրանից արձագանքել են այս հայտարարությանը: Երկրի ազգային անվտանգության բարձրագույն խորհրդի քարտուղար Մոհսեն Ռեզային հայտարարել է, որ ԱՄՆ-ի տնտեսական պատերազմի շարունակման դեպքում անգամ մեկ կաթիլ նավթ չի արտահանվի Հորմուզի նեղուցից կամ Պարսից ծոցի որևէ այլ վայրից: Նա շեշտել է՝ ցանկացած երկրի մասնակցությունը կամ աջակցությունն ամերիկյան տնտեսական պատերազմին Իրանը կդիտարկի որպես իր ժողովրդի դեմ պատերազմական գործողություն։
Իրանի արտգործնախարարության խոսնակ Էսմայիլ Բաղաեին նույնպես սպառնացել է ԱՄՆ-ի տնտեսական ճնշմանը միացող երկրներին: Պաշտոնյան հավելել է՝ Թեհրանը պատժամիջոցներին հակազդելու համար կօգտագործի իր բազմակողմ բոլոր հնարավորությունները:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը