ԱՄՆ-ն նոր պատժամիջոցներ է սահմանել Միջազգային քրեական դատարանի բարձրաստիճան պաշտոնյաների նկատմամբ
ԱՄՆ պետքարտուղար Մարկո Ռուբիոն հայտարարել է Միջազգային քրեական դատարանի (ՄՔԴ) նախագահի և ավագ իրավաբանի դեմ պատժամիջոցների մասին։ «Արմենպրես»-ի փոխանցմամբ՝ այս մասին հաղորդագրություն է տարածել ԱՄՆ պետքարտուղարությունը։ Ռուբիոն նշել է, որ ԱՄՆ-ն պատժամիջոցներ է կիրառում ՄՔԴ-ի ճապոնացի նախագահ Տոմոկո Ականեի և ՄՔԴ-ի սենեգալցի ավագ դատապաշտպան Աբդուլայե Սեյեի նկատմամբ, քանի որ նրանք ուղղակիորեն մասնակցել են ՄՔԴ-ի ջանքերին՝ «հետաքննելու, ձերբակալելու, կալանավորելու կամ հետապնդելու այն պաշտոնյաներին, որոնց կառավարությունը չի համաձայնել ՄՔԴ-ի իրավասությանը»։
Ռուբիոն նշել է, որ ըստ ԱՄՆ նախագահ Դոնադլ Թրամփի վարչակազմի՝ ՄՔԴ-ն «կոռումպացված և մահացու քաղաքականացված վերազգային դատարան է, որը չարամտորեն չարաշահել է իր լիազորությունները և գերազանցել է իր մանդատը։ Նա ընդգծել է, որ Վաշինգտոնը չի հանդուրժի դրա «հարձակումը պետական ինքնիշխանության վրա»։
«ՄՔԴ-ի կողմից ազգային ինքնիշխանությանը սպառնացող սպառնալիքը վերացնելու մեր ամբողջ կառավարական արշավը կլինի լայնածավալ, և մենք ակնկալում ենք, որ ավելի շատ երկրներ կմիանան մեր արշավին՝ դադարեցնելով ֆինանսավորումն ու մասնակցությունը այս քաղաքականացված և անպատասխանատու դատարանին: ՄՔԴ-ի կարողությունը՝ թիրախավորելու ԱՄՆ-ի և այլ ոչ անդամ պետությունների քաղաքացիներին, պետք է դադարեցվի: Թրամփի վարչակազմը պատրաստ է անհրաժեշտության դեպքում լրացուցիչ միջոցներ ձեռնարկել ՄՔԴ-ն համակարգված կերպով լուծարելու համար, մինչև այն անկարող լինի սպառնալ ամերիկյան ինքնիշխանությանը», - նշված է հայտարարության մեջ:
Ըստ BBC-ի՝ ՄՔԴ-ն հայտարարել է, որ աջակցում է իր աշխատակիցներին և կարծում է, որ Ռուբիոյի կողմից հայտարարված միջոցառումները «խաթարում են օրենքի գերակայությունը»։
Թրամփի վարչակազմն արդեն պատժամիջոցներ է սահմանել ՄՔԴ-ի առնվազն 11 պաշտոնյայի, այդ թվում՝ ինը դատավորի և գլխավոր դատախազի նկատմամբ։
Պատժամիջոցները ներառում են ակտիվների սառեցում, ճանապարհորդության արգելք և ամերիկյան ընկերությունների ծառայությունների սահմանափակումներ։
Այդ պատժամիջոցները սահմանվել են՝ ի պատասխան Աֆղանստանում ԱՄՆ անձնակազմի նկատմամբ ՄՔԴ-ի կողմից հետաքննությունների և Իսրայելի բարձրաստիճան պաշտոնյաների, այդ թվում՝ վարչապետ Բենիամին Նեթանյահուի դեմ դատարանի կողմից տրված ձերբակալման հրամանների՝ Գազայի հատվածում ենթադրյալ ռազմական հանցագործությունների համար։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
Մեղրիում կասեցվել է զովացուցիչ ըմպելիքի արտադրամասի գործունեությունը
Ջերմուկ համայնքին կվերադարձվի 0.3 հա մակերեսով հողամաս
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Barbie Signature շարքի նոր տիկնիկ՝ Ուիթնի Հյուսթոնի կերպարով