Դատաքննությունը կարող է սպառնալ Meta ընկերության ապագային

Կալիֆորնիայի դաշնային դատարանում երդվյալ ատենակալների մասնակցությամբ այսօր մեկնարկելիք դատաքննությունը կարող է սպառնալ Meta ընկերության ապագային, գրում է BBC- ին։ Այն արդեն նախկինում արդեն պարտվել է մի քանի դատավարություններում, որոնց ընթացքում ապացուցվել է, որ Meta-ի հարթակները վնասում են անչափահասներին։

Դատական գործընթացը կապված է 2023 թվականին ԱՄՆ 30, այդ թվում՝ Կալիֆորնիայի եւ Նյու Յորքի նահանգների ներկայացրած հայցի հետ, որում նրանք ընկերությանը մեղադրում են երեխաների անձնական կյանքի պաշտպանության մասին դաշնային եւ նահանգային օրենքների բազմաթիվ խախտումների մեջ։

Ընկերության շուկայական կապիտալիզացիան այժմ կազմում է մոտ 1,5 տրիլիոն դոլար։ Հայցվորները պահանջում են ոչ միայն ավելի քան 1 տրիլիոն դոլարի փոխհատուցում, այլեւ փոփոխություններ Instagram-ում եւ Facebook-ում, այդ թվում՝ վերացնել «հավանումների» հաշվիչները եւ չվերջացող ժապավենը։

Եթե Meta-ն, ի վերջո, պարտվի, դա կարող է հիմնարար փոփոխությունների բերել նաեւ այն հարցում, թե ինչպես են երիտասարդներն օգտագործելու սոցիալական ցանցերը։

Հայցվորները պահանջում են հիմնովին փոխել մոտեցումը.

• դեռահաս օգտատերերի համար ներդնել ծնողական ստուգում,
• փոխել «դոֆամինի միջոցով մանիպուլյացիա անող առաջարկությունների ալգորիթմները»,
• հեռացնել արտաքին տեսքը փոփոխող ֆիլտրերը,
• չեղարկել տեսանյութերի ինքնաշխատ նվագարկումը,
• արգելել մի քանի հաշիվների ստեղծումը,
• անջատել անհետացող՝ «վաղանցիկ» հրապարակումները, մասնավորապես՝ Instagram-ի պատմությունները։