Բաքվում Ուկրաինայի հարցով Ռուսաստանի և Գերմանիայի միջև պաշտոնական բանակցություններ չեն եղել․ Գալուզին

Ռուսաստանի փոխարտգործնախարար Միխայիլ Գալուզինը հայտարարել է, որ Բաքվում Գերմանիայի հետ Ուկրաինայի հարցով որևէ պաշտոնական բանակցություն չի եղել:

«ՏԱՍՍ» գործակալությանը տված հարցազրույցում դիվանագետն ընդգծել է, որ այս թեմայով Մոսկվայի և Բեռլինի միջև պաշտոնական շփումներ չկան, և դրանք քիչ հավանական են Գերմանիայի ղեկավարության որդեգրած ագրեսիվ հակառուսական հռետորաբանության ու գործնական քայլերի պատճառով:

Այդուհանդերձ, Գալուզինը հաստատել է, որ տեղի են ունենում Ռուսաստանի և Գերմանիայի տարբեր հասարակական ու քաղաքացիական կառույցների ներկայացուցիչների ոչ պաշտոնական հանդիպումներ:

Այս հայտարարությունը հաջորդել է Ադրբեջանի նախագահ Իլհամ Ալիևի ավելի վաղ արած այն պնդմանը, թե հուլիսի կեսերին Բաքվում կայացել է ռուս և գերմանացի նախկին պաշտոնյաների հանդիպում՝ նվիրված ուկրաինական հակամարտությանը: