Հունաստանում միմյանց են բախվել հրդեհաշիջման աշխատանքներին մասնակցող երկու ուղղաթիռ
Հունաստանում խոշոր անտառային հրդեհը մարելու աշխատանքներին մասնակցող երկու հրշեջ ուղղաթիռ բախվել են միմյանց, ինչի հետևանքով զոհվել է երկու մարդ։ Հրդեհը, որը բռնկվել էր Աթենքից հյուսիս-արևմուտք, ոչնչացրել է ավելի քան 100 տուն։
Հունաստանի հրշեջ ծառայության տվյալներով՝ ուղղաթիռներից մեկում գտնվող երկու անձ՝ Հունաստանի և Դանիայի քաղաքացիներ, զոհվել են, իսկ մյուս ուղղաթիռի անձնակազմի երկու անդամները՝ Հունաստանի և Մեծ Բրիտանիայի քաղաքացիներ, ողջ են մնացել։ Reuters-ը հայտնում է, որ դեպքի պատճառները պարզելու նպատակով հետաքննություն է սկսվել։
Այս ամռանը Եվրոպան բախվել է լայնածավալ անտառային հրդեհների՝ ռեկորդային շոգի և տեղումների սակավության ֆոնին։ Գիտնականների գնահատմամբ՝ նման պայմաններն ավելի են սրվել կլիմայի փոփոխության հետևանքով։
Ֆրանսիայում և Իսպանիայում մոլեգնող ավերիչ հրդեհները հանգստյան օրերին որոշ չափով թուլացել են, սակայն Հունաստանում հարաբերական անդորրից հետո կրկին մի քանի նոր հրդեհ է բռնկվել։
Հրշեջ ծառայության հաղորդմամբ՝ ուղղաթիռների բախումը տեղի է ունեցել Ատտիկայի մարզի Փսաթա շրջանում։
eKathimerini-ի հաղորդմամբ՝ նախնական հետաքննությունը ցույց է տալիս, որ հրդեհը, որը սկսվել էր Բեոտիա շրջանում և տարածվել դեպի Ատտիկա, հավանաբար առաջացել է էլեկտրական հաղորդալարերից առաջացած կայծերի պատճառով։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Աբու Դաբին կունենա համաշխարհային արվեստի նոր կենտրոն
Քրիստիան Ռոմերոն պահանջում է տարեկան 8 միլիոն եվրո աշխատավարձ
Սևանում տեղի է ունեցել «Sevan AgriTech Summit»-ը
Անգլիական ֆուտբոլում խտրականության ցանկացած դրսևորման համար կսահմանվեն 10-խաղյա որակազրկումներ
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից