Մահացել է 80-ականների փոփի լեգենդ Բոնի Թայլերը

75 տարեկանում մահացել է ուելսցի երգչուհի Բոնի Թայլերը, որի խռպոտ, բայց հզոր ձայնը «Total Eclipse of the Heart» և այլ հիթեր է դարձրել 1980-ականների դասական ստեղծագործություններ։ Երգչուհու ընտանիքն ու թիմը նրա ֆեյսբուքյան էջում հայտնել են, որ Թայլերն անսպասելի մահացել է Պորտուգալիայի հիվանդանոցում՝ այն հիվանդության հետևանքով, որի դեմ բուժում էր ստանում։ Մայիսին Թայլերը Պորտուգալիայի Ֆարու քաղաքի մերձակայքում գտնվող հիվանդանոցում ենթարկվել էր աղիքների շտապ վիրահատության։

Բոնի Թայլերի ամենահայտնի ստեղծագործություններից է 1983 թվականին թողարկված «Total Eclipse of the Heart» երգը, որը գլխավորել է ԱՄՆ-ի և Մեծ Բրիտանիայի հիթ-շքերթները։ Նրա կարիերայում շրջադարձային պահ դարձավ ձայնալարերի հանգույցների վիրահատությունը, որից հետո ձայնը դարձավ ավելի խռպոտ և առանձնահատուկ։ Դրանից հետո նա թողարկեց «It’s a Heartache» հիթը, որը դարձավ նրա առաջին մեծ հաջողությունը ԱՄՆ-ում։

2013 թվականին նա ներկայացրել է Մեծ Բրիտանիան «Եվրատեսիլ» երգի մրցույթում՝ «Believe in Me» երգով, իսկ վերջին ստուդիական ալբոմը՝ «The Best Is Yet to Come», թողարկել էր 2021 թվականին։