Երևանում հանրային սննդի օբյեկտի գործունեություն է կասեցվել
Սննդամթերքի անվտանգության տեսչական մարմնի կողմից «Բոնապ» սահմանափակ պատասխանատվությամբ ընկերությանը պատկանող հանրային սննդի օբյեկտում (ք․ Երևան, Արմենուհի Տիգրանյան փողոց 12/1) իրականացված ստուգման ընթացքում պարզվել է, որ խախտվել են «Սննդամթերքի անվտանգության մասին» Մաքսային միության տեխնիկական կանոնակարգի պահանջները, մասնավորապես՝
- հանրային սննդի կառույցի խոհանոցում՝ ֆուրշետի պատրաստման հատվածում, լվացքի մեքենան, լվացքի փոշին, ախտահանիչ լուծույթները տեղակայված չեն եղել այնպես, որ բացառվի օտար մասնիկների թափանցումը սննդամթերքի մեջ, թունավոր նյութերի հետ շփումը, գոլորշու խտացումը, մակերեսների վրա բորբոսի առաջացումը,
- հանրային սննդի կառույցը ապահովված չի եղել սննդամթերքի պահման համար առանձնացված տարածքով,
- պահեստային հատվածի հատակը, ինչպես նաև ֆուրշետի պատրաստման հատվածի պատերի որոշ հատվածներ չեն պահվել նորոգ վիճակում,
- խոհանոցի և պահեստային մասի առաստաղի որոշ հատվածներ կառուցված չեն եղել այնպես, որ կանխարգելվի կեղտի կուտակումը, գոլորշու խտացումը, բորբոսի աճը, մասնիկների թափվելու հնարավորությունը,
- խոհանոցի բացվող պատուհանը ապահովված չի եղել միջատապաշտպան ցանցով,
- հանրային սննդի կառույցը ապահովված չի եղել ձեռքերի լվացման, ախտահանման միջոցներով և չորացման հիգիենիկ սարքերով։
ՍԱՏՄ-ի փոխանցմամբ՝ տեսչական մարմնի ղեկավարի որոշմամբ՝ կասեցվել է հանրային սննդի օբյեկտի արտադրական գործունեությունը մինչև հայտնաբերված խախտումները վերացնելը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը