Էկոնոմիկայի փոխնախարար Արման Խոջոյանն ընդունել է գերմանական «Մոնոլիտ Նորդ» ՍՊԸ ղեկավարներին
ՀՀ էկոնոմիկայի նախարարի տեղակալ Արման Խոջոյանն ընդունել է գերմանական «Մոնոլիտ Նորդ» ՍՊԸ-ի համահիմնադիր Արթուր Շտայնհաուերին և տնօրեն Վլադիմիր Մարտինովիչին։
Հանդիպման ընթացքում քննարկվել են Հայաստանի ագրոպարենային արտադրանքի արտահանման ներուժին, ինչպես նաև հայկական արտադրողների և գերմանական առևտրային ցանցերի միջև համագործակցության ընդլայնման հնարավորություններին առնչվող հարցեր։
Արման Խոջոյանը ներկայացրել է արտահանման խթանմանն ուղղված պետական քաղաքականության հիմնական ուղղությունները՝ կարևորելով միջազգային խոշոր առևտրային ցանցերի հետ համագործակցության զարգացումը՝ որպես հայկական արտադրանքի արտաքին շուկաներում ներկայացվածության և արտահանման ծավալների աճի կարևոր նախապայման։
Նախարարի տեղակալն անդրադարձել է նաև Հայաստանի վերամշակող արդյունաբերության կարողություններին՝ ներկայացնելով ոլորտում գործունեություն ծավալող ընկերությունների արտադրական ներուժը, միջազգային չափանիշներին և որակի ստանդարտներին համապատասխանության մակարդակը, ինչպես նաև արտահանման փորձը։
«Մոնոլիտ Նորդ» ՍՊԸ-ի ղեկավարները ներկայացրել են ընկերության գործունեության հիմնական ուղղությունները և հետաքրքրություն հայտնել հայկական վերամշակված պտուղբանջարեղենային արտադրանքի, մասնավորապես՝ պտուղբանջարեղենային պահածոների ներմուծման և իրացման հնարավորությունների նկատմամբ։
Հանդիպման արդյունքներով պայմանավորվածություն է ձեռք բերվել կազմակերպել հանդիպումներ ոլորտի տնտեսվարող սուբյեկտների հետ՝ համագործակցության հնարավոր ուղղությունների և գործնական քայլերի հստակեցման նպատակով։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը