Անահիտ Մանասյանը Բեռլինում ելույթ է ունեցել ՄԻԵԴ վճիռների կատարմանը նվիրված միջազգային միջոցառմանը
Աշխատանքային այցով Բեռլինում գտնվող Մարդու իրավունքների պաշտպան Անահիտ Մանասյանը հունիսի 16-ին ելույթ է ունեցել Մարդու իրավունքների ազգային հաստատությունների եվրոպական ցանցի, Մարդու իրավունքների գերմանական ինստիտուտի և Մարդու իրավունքների եվրոպական դատարանի վճիռների կատարման համակարգողների ցանցի համատեղ կազմակերպած թեմատիկ միջոցառմանը։
Պաշտպանը մոդերացրել է միջոցառման երկրորդ նիստը՝ «Լավագույն փորձը. ինչպես են մարդու իրավունքների ազգային հաստատությունները նպաստում Մարդու իրավունքների եվրոպական դատարանի վճիռների կատարմանը» թեմայով։
Քննարկման շրջանակում անդրադարձ է կատարվել ոլորտում տարբեր երկրների փորձին, մարդու իրավունքների ազգային հաստատությունների դերակատարությանը, ինչպես նաև Մարդու իրավունքների եվրոպական դատարանի վճիռների արդյունավետ կատարմանն ուղղված մեխանիզմներին և գործիքակազմին։ Այնուհետև Անահիտ Մանասյանը ելույթ է ունեցել ՄԻԵԴ վճիռների կատարման հարցում մարդու իրավունքների ազգային հաստատությունների դերակատարությանը վերաբերող գործիքակազմերին առնչվող պանելային քննարկմանը:
Միջոցառմանը բացման խոսքով հանդես են եկել Գերմանիայի արդարադատության և սպառողների պաշտպանության դաշնային նախարար Ստեֆանի Հուբիգը, Գերմանիայի Մարդու իրավունքների ինստիտուտի տնօրեն Բեատե Ռուդոլֆը, ինչպես նաև Եվրոպայի խորհրդի մարդու իրավունքների և արդարադատության համագործակցության վարչության ղեկավար Լիլյա Գրետարսդոտտիրը։
Թեմատիկ միջոցառումը կարևոր հարթակ է մարդու իրավունքների ազգային հաստատությունների, պետական մարմինների և միջազգային գործընկերների միջև փորձի փոխանակման և համագործակցության ամրապնդման համար՝ ուղղված մարդու իրավունքների չափանիշներին առնչվող ՄԻԵԴ վճիռների լիարժեք և արդյունավետ կատարմանը։
Մարդու իրավունքների պաշտպան Անահիտ Մանասյանը կարևորում է միջազգային հարթակներում ՄԻՊ հաստատության ակտիվ ներգրավվածությունն ու փորձի փոխանակման միջոցով տարբեր կառուցակարգերի զարգացումը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը