Վերան և Վուսթերի մոտակայքում գտնվող The Mill House ծերանոցի աշխատակիցները հունիսի 6-ին մեկնել են ուղևորության այն բանից հետո, երբ կինը պատմել էր, որ միշտ երազել է մոտիկից տեսնել ընձուղտներին։

Աշխատակիցների խոսքով՝ տարեց կինը չգիտեր, որ այդ օրը իրեն սպասում է հանդիպում իր սիրելի կենդանիների հետ։

«Նրա դեմքի արտահայտությունը, երբ նա տեսավ ընձուղտներին, հրաշալի էր։ Նրան դուր եկավ յուրաքանչյուր պահը», — պատմել է միջոցառումների կազմակերպիչ Շառլոթ Ռիսը։

Նա հավելել է, որ ուղևորությունը կազմակերպվել էր որպես Վերայի վաղեմի երազանքի իրականացում. «102 տարին լրացնելը անհավանական նվաճում է, և մեզ համար կարևոր էր այս օրը դարձնել իսկապես առանձնահատուկ»։

Ծերանոցի ներկայացուցիչները նշել են, որ մեծ ուշադրություն են դարձնում նրան, որպեսզի իրենց խնամքի տակ գտնվողները շարունակեն ստանալ վառ տպավորություններ և իրականացնել իրենց ցանկությունները՝ անկախ տարիքից։

«Վերայի համար սա նշանակում էր նշել իր 102-ամյակը կենդանիների շրջապատում, ստեղծել նոր հիշողություններ և ցանկությունների ցանկից հանել ևս մեկ կետ», — ասել են հաստատությունում։