«Սա լինելու է անդամակցության պայմանագրերի նոր սերունդ, որտեղ կներառվեն պաշտպանական նոր երաշխիքներ։ Դրանք թույլ կտան ապահովել հենց ձեր նշածը (վետոյի իրավունքի չկիրառումը), որպեսզի վստահ լինենք, որ նոր անդամները նույնիսկ 5, 10 կամ 15 տարի անց կհետևեն եվրոպական կանոններին»,- նշել է նա՝ պատասխանելով այն հարցին, թե արդյոք ԵՄ-ում մտահոգություն չկա, որ Ուկրաինան անդամակցելուց հետո կարող է անվերահսկելիորեն կիրառել վետոյի իրավունքը։

2022 թվականի հունիսին Եվրամիությունն Ուկրաինային և Մոլդովային շնորհել է անդամության թեկնածուի կարգավիճակ։ ԵՄ-ում բազմիցս խոստովանել են, որ այդ որոշումը մեծամասամբ խորհրդանշական բնույթ է կրել՝ նպատակ ունենալով աջակցել Կիևին ու Քիշնևին Մոսկվայի հետ դիմակայությունում։