2025 թվականին արձանագրվել է 7.1 տոկոս տնտեսական աճ: Նախորդ տարի հարկաբյուջետային ազդակը եղել է թույլ զսպող, քաղաքականությունն ուղղված է եղել տնտեսության դիմակայունության ամրապնդմանն ու աճի ներուժի բարձրացմանը, ասել է ՀՀ ֆինանսների նախարար Վահե Հովհաննիսյանը՝ ԱԺ մշտական հանձնաժողովների՝ հունիսի 8-ի համատեղ նիստում քննարկման ներկայացնելով «ՀՀ 2025 թվականի պետական բյուջեի կատարման մասին» տարեկան հաշվետվության հիմնական մակրոտնտեսական ցուցանիշները, բյուջետային եկամուտների ձեւավորումը, հարկային եւ մաքսային քաղաքականությունը, ծախսերն ու պակասուրդը:
«2021-2025 թվականների մենք մեծացրել ենք կապիտալ ծախսերի մասնաբաժինը՝ 3,1 տոկոսից հասցնելով 6,2 տոկոսի»,- ընդգծել է նախարարը եւ հավելել, որ հնարավոր է եղել զսպել ընթացիկ ծախսերի աճը՝ այն 25,9 տոկոսից նվազեցնելով մինչեւ 23,1 տոկոս:
Զեկուցողի խոսքով կապիտալ ծախսերի աճը հիմնականում ուղղվել է մարդկային կապիտալի, անվտանգային եւ տնտեսական ենթակառուցվածքների զարգացմանը: Վահե Հովհաննիսյանը կարեւոր ձեռքբերումներից է համարել հարկային եկամուտների առաջանցիկ աճը:
Խոսելով պետական բյուջեի պակասուրդից՝ նախարարը նշել է, որ այս ընթացքում այն միջինում կազմել է 3,2 տոկոս: 2025 թվականին պակասուրդը կազմել է 3,7 տոկոս, որը հնարավորություն է տվել նվազեցնել պարտքի մասնաբաժինը ՀՆԱ-ում:
Անդրադառնալով արտաքին զարգացումներին՝ զեկուցողը փաստել է՝ 2025 թվականն աչքի է ընկել աշխարհում աճի թույլ տեմպերով, գնաճի աստիճանական թուլացմամբ, դրամավարկային քաղաքականության մեղմացմամբ:
2025 թվականին հայկական ծագման ապրանքների արտահանումն աճել է 12 տոկոսով: Նշվել է, որ ընթացիկ տարվա հունվարից ապրիլ հայկական ծագման ապրանքների արտահամումն աճել է 33,9 տոկոսով, ինչը, ըստ Վահե Հովհաննիսյանի, դրական ազդակ է 2026 թվականի տնտեսական աճի համար:
Հաշվետու ժամանակահատվածում պետական բյուջեի եկամուտների կատարողականը կազմել է 101,3 տոկոս, աճը՝ շուրջ 12 տոկոս: Ծախսերը կատարվել են 95,8 տոկոսով, այդ թվում՝ ընթացիկ ծախսերը՝ 97,5, կապիտալ ծախսերը՝ 89,6 տոկոսով:
Զեկուցողը ներկայացրել է նաեւ Ֆինանսների նախարարության ծախսերը, որոնք եղել են 353,8 մլրդ դրամ, կատարողականը կազմել է 96,5 տոկոս:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը