«Ռոսսելխոզնադզորը» հայտարարել է, որ Հայաստանը պետք է դադարեցնի Ռուսաստանի համար ձկան հավաստագրումը
Հայաստանը հունիսի 2-ից պետք է դադարեցնի Ռուսաստան արտահանման համար նախատեսված կենդանի ձկան և ձկնամթերքի հավաստագրումը, հաղորդում է «Ռոսսելխոզնադզորը»։
«Ստուգման արդյունքների հիման վրա՝ 2026 թվականի հունիսի 2-ից, հայկական կողմը պետք է կասեցնի Ռուսաստան կենդանի ձուկ և ձկնամթերք արտահանող բոլոր հայկական ընկերությունների անասնաբուժական հավաստագրումը, մինչև ստեղծված իրավիճակի կարգավորումը՝ բացառությամբ երկուսի, որոնք անցել են ստուգումը»,- ասվում է հայտարարության մեջ: Ստուգումը ռուսական ծառայության մասնագետներն անցկացրել են Հայաստանում իշխանի պահպանման և բուծման ձկնավերամշակման ձեռնարկություններում ու ֆերմաներում:
Ըստ աղբյուրի՝ ստուգման արդյունքները անբավարար են եղել։ Ավելին, ընկերությունների կեսը հրաժարվել է ստուգումից՝ նշել է ծառայությունը։
«Երկու թույլատրված գործարանների ձկնամթերքը կներմուծվի Ռուսաստան՝ անվտանգության ցուցանիշներով լաբորատոր մոնիթորինգի ենթարկվելու պայմանով»,- պարզաբանվում է հայտարարության մեջ։
Ինչպես ավելի վաղ հայտնել էր «Ռոսսելխոզնադզորի» ղեկավար Սերգեյ Դանկվերտը, մատակարարվող ապրանքներից մի քանիսը կարող է հայկական ծագում չունենալ։ «Հայկական լեռնային գետերի կարմրախայտը ոչ մի կերպ չի կարող նմանվել նորվեգական կարմրախայտին»,- ասել է նա։
Ամոթից գետինը պետք է մտնեն և սուտ հայտարարություններ չանեն
Չելյաբինսկում ձերբակալվել են կազմակերպված հանցախմբի հինգ անդամներ, որի ենթադրյալ պարագլուխը Արտակ Վա...
Աղբաորսիչ սարքերի միջոցով 1 տարվա ընթացքում Հրազդան գետից դուրս է բերվել 75 խմ աղբ
Բելգիայում բացվել է առաջին Թումո կենտրոնը
Ռոնալդինյոն ժամանել է Հայաստան
«200 հազար քեզ, 400 հազար ընձի». ընտրակաշառքի գործով երկու կալանավորված կա
Հայաստանի և ԱՄՆ-ի միջև նախաստորագրվել են երկկողմ փաստաթղթեր
ԻՀՊԿ-ն հայտնել է Իրանի օդային տարածք ներխուժած ամերիկյան անօդաչու թռչող սարք ոչնչացնելու մասին
«Ուժեղ Հայաստան»-ի հավաքին մասնակցելու համար ստացել են 15.000-ական դրամ գումար. երկու անձ կալանավորվ...
Մայիսի 28-ը Հայաստանի Առաջին հանրապետության ստեղծման օրն է