Հայաստանը ռուսական գազին այլընտրանք չունի․ Օվերչուկ
Հայաստանը ռուսական գազին այլընտրանք չունի, իսկ շուկայական գներով գազի մատակարարման դեպքում երկրում կարող է ստեղծվել բարդ իրավիճակ, «Վեստի» հեռուստաալիքի եթերում հայտարարել է Ռուսաստանի փոխվարչապետ Ալեքսեյ Օվերչուկը։
«Մենք լավ գիտակցում ենք գազի շուկայում տիրող իրավիճակը։ Այնտեղ երբեք չի լինի ռուսական գազից բացի այլ գազ»,-ասել է Օվերչուկը՝ հավելելով, որ հիմնական հարցն այն է, թե որտեղից է Հայաստանը ստանալու ռուսական գազը և որ միջնորդին է վճարելու դրա համար։
ՌԴ փոխվարչապետի խոսքով՝ շուկայական պայմաններում գազի մատակարարումը Հայաստանի համար կարող է լուրջ դժվարություններ առաջացնել։ «Իրավիճակը Հայաստանում շատ դժվար կլինի։ Եվ մենք դա չենք ուզում»,-նշել է նա։
Օվերչուկը նաև ընդգծել է, որ Եվրոպան շարունակում է ստանալ ռուսական գազ և առաջարկել է ուշադրություն դարձնել գործող գազատարներին։ «Պարզապես պետք է նայել քարտեզին և ներկայումս գործող խողովակաշարերին։ Այդ դեպքում անմիջապես պարզ կդառնա, թե որտեղից են ստանալու իրենց ռուսական գազը»,-ասել է նա։
Միաժամանակ ռուս պաշտոնյան նշել է, որ գազի գնի վրա կազդեն արտահանման մաքսատուրքերը, շուկայական գնագոյացումը և միջնորդների շահույթը։ «Պետք է հաշվի առնել 30 տոկոս արտահանման մաքսատուրքը, շուկայական գինը, ինչպես նաև այն, որ միջնորդները ևս կցանկանան ստանալ իրենց բաժին շահույթը»,-ընդգծել է Օվերչուկը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը