Էներգաբանկի պատճառով Մեծ Բրիտանիա ուղևորվող ինքնաթիռն արտակարգ վայրէջք է կատարել Հռոմում
Մեծ Բրիտանիա ուղևորվող EasyJet ավիաընկերության ինքնաթիռը ստիպված է եղել արտակարգ վայրէջք կատարել Հռոմում, երբ թռիչքի ընթացքում պարզվել է, որ ուղևորներից մեկի շարժական լիցքավորիչը (էներգաբանկը) գտնվում է բեռնախցիկում՝ անվտանգության կանոնների խախտմամբ, գրում է BBC-ին։
EZY2618 չվերթը, որը Եգիպտոսի Հուրգադա քաղաքից ուղևորվում էր Լոնդոնի Լուտոն օդանավակայան, երեքշաբթի երեկոյան որպես նախազգուշական միջոց վայրէջք է կատարել Հռոմի Ֆյումիչինո օդանավակայանում։
Ըստ ավիաընկերության՝ որոշումը կայացրել է օդաչուն։ FlightRadar24-ի տվյալներով՝ ինքնաթիռը շուրջ երեք ժամ թռիչքից հետո՝ Ադրիատիկ ծովի վրայով, 36 հազար ոտնաչափ բարձրությունից կտրուկ փոխել է երթուղին և մոտ 20 րոպե անց վայրէջք կատարել Հռոմում։
EasyJet-ը նշել է, որ էներգաբանկի հետ տեխնիկական միջադեպ չի եղել, սակայն լիթիում-իոնային մարտկոցների հրդեհավտանգության պատճառով նման սարքերը թույլատրվում են միայն ձեռքի ուղեբեռում։ Ուղևորներին տրամադրվել է կացարան և սնունդ, իսկ չվերթը շարունակվել է հաջորդ օրը։
Վերջին տարիներին բազմաթիվ ավիաընկերություններ խստացրել են էներգաբանկերի տեղափոխման կանոնները՝ լիթիումային մարտկոցների բռնկման վտանգի պատճառով։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մահացել է աշխարհի չեմպիոն և «Միլանի» լեգենդ Ֆրանկո Բարեզին
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Ուրումչիի մշակութային ուղին. Գրանդ բազար
Քրիստիան Ռոմերոն պահանջում է տարեկան 8 միլիոն եվրո աշխատավարձ
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից