Ռազմավարական գործընկերությունը, որը մենք այսօր ստորագրեցինք, ավելի է ամրապնդում այս համագործակցությունը
Վերջին տարիներին Ֆրանսիայի և Հայաստանի հարաբերությունները նոր փուլ են թևակոխել: Մենք նաև պաշտպանության ոլորտում ենք գործընկերություն հաստատել: Ռազմավարական գործընկերությունը, որը մենք այսօր ստորագրեցինք, ավելի է ամրապնդում այս համագործակցությունը: Այդ մասին համատեղ փաստաթղթերի ստորագրումից հետո՝ Հայաստանի վարչապետ Նիկոլ Փաշինյանի հետ համատեղ հայտարարության ժամանակ, ասաց Ֆրանսիայի նախագահ Էմանուել Մակրոնը:
«Վերջին տարիներին մենք ցանկացել ենք ավելի արդիականացնել Հայաստանի ԶՈՒ-ն, ամրապնդել ինքնիշխանությունը, և կարելի է ասել՝ սա մեր երկկողմ հարաբերությունների կարևոր հենասյունն է: ԲՏԱՆ-ն հենց նոր ստորագրեց նաև պաշտպանակական նորարարության հարցերով գործակալության հետ համաձայնագիր, որը թույլ կտա նոր ուղղություններ բացել այս ոլորտում»,- ասաց նա:
Մակրոնը հիշեցրեց, որ երկու երկրների միջև համագործակցություն կա նաև մշակութային, կրթական, գիտական, երիտասարդության և այլ ոլորտներում:
«Ուրախ եմ արձանագրել, որ այսօր ստորագրվեց երկու համաձայնագիր, որոնք կապում են Ֆրանսիայի ազգային գրադարանը Երևանի արվեստի և գրականության թանգարանի, ինչպես նաև Մատենադարանի հետ»,- ասաց նա:
Ռազմավարական գործընկերությունը համախմբում է նաև ՏԻՄ-ի և քաղհասարակության կազմակերպությունների գործունեությունը, որոնք, ըստ նախագահի, առանձնահատուկ դեր ունեն երկու երկրների հարաբերություններում: Այս համատեքստում Մակրոնը տեղեկացրեց, որ Հայաստանը զբաղեցնում է 4-րդ հորիզոնականը ֆրանսիական տեղական ինքնակառավարման մարմիններից աջակցություն ստացող երկրների շարքում:
«Այս ամենից անդին մեր ռազմավարական գործընկերությունը նաև միտված է աջակցելու ձեզ այն կայուն խաղաղության ոլորտում, որի համար դուք խիզախ որոշում եք կայացրել: Մենք ցանկանում ենք և հաստատակամ ենք ձեզ ուղեկցել»,- ասաց նա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը