Չեխիայի վարչապետը փնտրում է էներգառեսուրսների մատակարարներ
Չեխիային անհրաժեշտ են ուժեղ և կայուն գործընկերներ նաև ԵՄ անդամ չհանդիսացող երկրների շարքում, այդ թվում՝ էներգառեսուրսների մատակարարներ, կիրակի հայտարարել է Չեխիայի վարչապետ Անդրեյ Բաբիշը՝ գործարարների մեծ պատվիրակության հետ Ադրբեջան, Ղազախստան և Ուզբեկստան մեկնելուց առաջ։
«Մեզ անհրաժեշտ են նաև ուժեղ և կայուն գործընկերներ ԵՄ-ից դուրս։ Այդ նպատակով մեր պատվիրակությունը, որի կազմում են մի քանի խոշոր չեխական ընկերությունների ղեկավարներ, քառօրյա այցով մեկնում է Եվրոպայից դուրս՝ Ադրբեջան, Ղազախստան և Ուզբեկստան։ Կարևոր դեր կխաղան այդ երկրներից Չեխիա նավթի և գազի մատակարարման շուրջ բանակցությունները»,- ասել է վարչապետը։
2026 թվականին Ադրբեջանը դարձել է Չեխիա նավթի ամենամեծ մատակարարը՝ կազմելով չեխական ներմուծման 42%-ը։
Վարչապետ Բաբիշին ուղեկցող գործարար պատվիրակության կազմում են էներգետիկայի, տրանսպորտի, մեքենաշինության և պաշտպանության ոլորտների մոտ 50 խոշորագույն չեխական ընկերությունների ու ձեռնարկությունների ղեկավարներ, այդ թվում՝ Škoda Group և Frýdlantské strojírny մեքենաշինական խմբերը, Aero Vodochody Aerospace ավիաշինական խումբը և ճանապարհային երթևեկության անվտանգության սարքավորումներ արտադրող AŽD Praha ընկերությունը։
Ընկերություններից մի քանիսն արդեն սկսել է գործունեությունն այդ երկրներում:
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Սինգապուրի վարչապետը շնվորհավորել է Փաշինյանին
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Ուրումչիի մշակութային ուղին. Գրանդ բազար
Քրիստիան Ռոմերոն պահանջում է տարեկան 8 միլիոն եվրո աշխատավարձ
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից