Բրյուսելում՝ սոցիալական իրավունքների օրակարգով. ՄԻՊ աշխատակազմն ընդլայնում է միջազգային համագործակցությունը
ՀՀ մարդու իրավունքների պաշտպանի աշխատակազմի ներկայացուցիչները մարտի 30-31-ը ճանաչողական այցով եղել են Բելգիայի Թագավորությունում՝ Բրյուսելում՝ Եվրոպայի խորհրդի «Մարդու սոցիալական իրավունքների ամրապնդումը Հայաստանում» ծրագրի շրջանակում։ Այս մասին տեղեկացնում են ՄԻՊ աշխատակազմից:
Այցի առաջին օրը Պաշտպանի աշխատակազմի ներկայացուցիչները հանդիպել են Մարդու իրավունքների պաշտպանության և խթանման Դաշնային ինստիտուտի ներկայացուցիչների հետ։
Հանդիպման սկզբում բացման խոսքով հանդես են եկել Դաշնային ինստիտուտի ղեկավար Մարտիեն Սքոթսմանսը և ՀՀ մարդու իրավունքների պաշտպանի աշխատակազմի քաղաքացիական, սոցիալ-տնտեսական և մշակութային իրավունքների պաշտպանության դեպարտամենտի ղեկավար Վլադիմիր Հովհաննիսյանը։
Կողմերը ներկայացրել են իրենց հաստատությունների մանդատը, կառուցվածքը, գործունեության հիմնական ուղղությունները, մարդու իրավունքների պաշտպանության ոլորտում առկա առաջնահերթություններն ու մարտահրավերները, ինչպես նաև այլ հարցեր։
Սոցիալական իրավունքների խնդիրների մշտադիտարկումների և զեկույցների կազմման հետ կապված մի շարք հարցեր քննարկվել են Խորհրդատվական կարծիքների, զեկույցների և հետազոտական խմբի ղեկավարի, ինչպես նաև Մարդու իրավունքների կցորդի (attaché) հետ։ Հանդիպմանը մասնակցել են նաև Ծրագրի համակարգող (Սոցիալական իրավունքների վարչություն, Եվրոպայի խորհուրդ) Տանյա Մոնտանարին և Ծրագրի ղեկավար Մարիամ Ալեքսանյանը։
Մարտի 31-ին Պաշտպանի աշխատակազմի ներկայացուցիչներն այցելել են Մարդու իրավունքների ազգային ինստիտուտների եվրոպական ցանցի գրասենյակ, որտեղ հանդիպումներ են տեղի ունեցել Աղքատության դեմ պայքարի ծառայության (Combat Poverty Service), Հավասար հնարավորությունների և ռասիզմի դեմ պայքարի միջդաշնային կենտրոնի (UNIA), Կանանց և տղամարդկանց միջև հավասարության ինստիտուտի, ինչպես նաև Բելգիական Դաշնային միգրացիոն կենտրոնի (MYRIA) ներկայացուցիչների հետ։ Հանդիպման ընթացքում քննարկվել են հավասարության, խտրականության բացառման և խոցելի վիճակում գտնվող անձանց իրավունքների պաշտպանությանն առնչվող մի շարք հարցեր։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը