Արտեմիս II առաքելությունն ավարտել է Լուսնին առավելագույնը մոտենալու պատմական յոթժամյա գործողությունը։ Դրանից հետո անձնակազմին ուղիղ եթերում շնորհավորել է ԱՄՆ նախագահ Դոնալդ Թրամփը։ Գործողությունն սկսվել է ԱՄՆ արեւելյան ժամանակով 13:56- ին` Երեւանի ժամանակով 21:56-ին։ Այդ ժամին NASA-ի աստղագնացներ ամերիկացիներ Ռիդ Ուայզմանը, Վիկտոր Գլովերը եւ Քրիստինա Կոխը, ինչպես նաեւ կանադացի Ջերեմի Հանսենը սահմանել են նոր ռեկորդ՝ դառնալով Երկրից ամենահեռու գնացած մարդիկ։
Լուսնի հակառակ կողմից անցնելով` Երեւանի ժամանակով 03։00-ին, Օրիոն տիեզերանավը 40 րոպե կորցրել է Երկրի հետ կապը, քանի որ Լուսինը խանգարել է ռադիոալիքներին։
Անձնակազմը լուսանկարել է Լուսնի մակերեւույթը` այդ թվում՝ խառնարանները, հին լավային հոսքերը, բլուրները, որոնք ձեւավորվել են Լուսնի էվոլյուցիայի ընթացքում։ Նրանք նաեւ արձանագրել են գույնի, պայծառության եւ կառուցվածքի տարբերություններ, որոնք գիտնականներին կօգնեն հասկանալ Լուսնի մակերեւույթի կազմը։
ՆԱՍԱ-ի հաղորդագրության մեջ նշված է, որ աստղագնացներին հաջողվել է տեսնել նաեւ «Երկրի մայրամուտը»՝ այն պահը, երբ Երկիր մոլորակը իջավ Լուսնի հորիզոնից ներքեւ, եւ «Երկրածագը»՝ Լուսնի հակառակը կողմից դուրս գալու պահին։
Աստղագնացներին հաջողվել է տեսնել նաեւ Լուսնի հակառակ կողմում լինելու պահին Արեւի մոտ մեկժամանոց խավարումը, երբ տիեզերանավը, Լուսինը եւ Արեգակը մի գծի վրա էին։ Նրանց հաջողվել է այդ պահին ուսումնասիրել արեգակնային պսակը՝ Արեւի արտաքին մթնոլորտը։
Խավարման ընթացքում անձնակազմը հնարավորություն է ունեցել դիտել երկնային այնպիսի հազվադեպ երեւույթներ, որոնք տեսանելի են միայն Լուսնի չլուսավորված հատվածում։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը