Ժոզե Մոուրինյո. Կարող էինք հեշտությամբ հաղթել «Լեսթերին»

«Մանչեսթեր Յունայթեդի» գլխավոր մարզիչ Ժոզե Մոուրինյոն մեկնաբանել է «Լեսթերի» հետ արտագնա ոչ ոքին (2:2) Անգլիայի առաջնության 19-րդ տուրի խաղում: Մանչեսթերյան ակումբը հաղթանակից զրկվել էր ավելացված ժամանակում բաց թողած գոլի պատճառով:

«Չկարողացանք հաղթել, քանի որ կորցրեցինք անհավանական գոլային պահեր: Պաշտպանությունում մի շարք սխալներ թույլ տվեցինք մի խաղում, որում կարող էինք հեշտությամբ հաղթել: Ընդմիջմանն իմ խաղացողներին ասացի, որ 1:1 հաշվի ժամանակ հաղթելը հեշտ է: Սակայն իրականությունն այնպիսին է, որ գրանցվեց 2:2 հաշիվը:

Պատժվեցինք սեփական սխալների պատճառով: Հաղթանակի համար արեցինք ամեն բան, բայց չօգտվեցինք մեր հնարավորություններից: Մանկական սխալ. դա այնքան հեշտ է: Դրա համար պատժվեցինք կորցրած 2 միավորով»,- մարզիչի խոսքը մեջբերում է Sky Sports-ը:

Հիշեցնենք, որ Լեսթերում կայացած խաղում Հայաստանի հավաքականի կիսապաշտպան Հենրիխ Մխիթարյանը «Մանչեսթեր Յունայթեդի» պահեստայինների թվում էր եւ 83-րդ րոպեին փոխարինեց իսպանացի Խուան Մատային:

sport.news.am

Այս թեմայով Մխիթարյանը կերտեց Ինտերի 5:1 հաշվով հաղթանակը Մոուրինյո․ Մեսին ձախողվեց ՉԼ-ում, կասկածներ ունեմ «Ոսկե գնդակի» հարցում Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր